"اتنين غيرنا".. أسر ياسين يروج لمسلسله الجديد في رمضان 2026
ظهر الفنان أسر ياسين في لقاء مع ET بالعربي وتحدث عن عمله في رمضان المقبل 2026 مع الفنانة دينا الشربيني ، حيث نشر موقع ET بالعربي فيديو علي الحساب الرسمي عبر موقع تبادل الصور والفيديوهات إنستجرام ، معلقًا علي الفيديو :""لغاية دلوقتي.. لسه أنا ودينا ما القتيناش" آسر ياسين يتحدث في ET بالعربي عن تحضيرات مسلسله مع دينا الشربيني "اتنين غيرنا" لرمضان 2026 وما مصير شخصية الشايب في فيلم ولاد رزق؟".
وجاء الحوار بين الفنان أسر ياسين و ET بالعربي علي النحو التالي :" لسه أنا ودينا الشربيني مالتقيناش ، وأنا متحمس جدًا للعمل مع خالد الحلفاوي ودينا الشربيني وبعض الفنانيين".
و أضاف أسر “مش عايز أقول كل الاسامي دلوقتي ، أنا حاسس إننا عاملين حاجة مفأجاة”.
وتابع “بالنسبة للضغط ، إحنا مع الوقت بنتأقلم وأهم حاجة إننا نخلص للعمل واللي بنقدمه في العمل”.
وختم أسر ياسين “أنا بالنسبالي الشايب شخصية لوحدها حاجة تانية خالص ، ودا أنا هعمله يعني هعمله وحبيت الشخصية جدا ، وبالنسبة لـ ولاد رزق هعمله أو لا علي حسب النصيب والمكتوب”.
تفاصيل مسلسل أسر ياسين في رمضان 2026
في سياق متصل، تحدث الفنان آسر ياسين في تصريحات تليفزيونية سابقة عن مسلسله الجديد: “أنا لسه عارف أنه اسمه أشهد يا ليل وأنه اسم مؤقت .. مسلسل لطيف جدًا جدًا .. خالد الحلفاوي المخرج وأنا من زمان جدًا جدًا بحب شغله أوي وبحب النجاحات اللي عملها الفترة اللي فاتت .. وبحب حس الفكاهة عنده .. ومع الكاتبة رنا أبو ريش عاملة شغل حلو أوي .. هيكون أول تعاون مع الفنانة دينا الشربيني .. دينا ممثلة هايلة .. وأحنا بقينا أصدقاء جدًا مؤخرًا .. وحاسس أنها هتعمل حالة هايلة للمسلسل ده .. أحنا مؤخرًا كنا بنتقابل كتير ونقول ما يلا نعمل حاجة مع بعض .. وانا كنت عارف أن في عمل جاي بس كنت مستني أشوف هيحصل ايه .. والحمدلله أتوفقنا وهنعمل سوا العمل ده”.
تصدر الفنان أسر ياسين التريند بسبب الجمبري
قال آسر ياسين في بودكاست «حوارات مع عباس» بعد نصدره التريند : «أنا كنت بروح الانترفيوهات وأتقبل وأنا اللي أقولهم لا أنا عندي Family Busines، أنا ولا عندي Family Busines ولا نيلة، فأنت خارج مهندس من جـامـعة أمريكية وبيتقالك ممكن تروح هنا وهنا وشايف صحابك اللي سافر فرنسا واللي راح أمريكا واللي قعد هنا.. لابتوب.. عربية.. هيبتدي يشوف صاحبته هيخطبها أو هيتجوزها».
كما أضاف: "أنت رايح لوكيشن تصوير فيلم أو مسلسل ماحدش عارف عنك أي حاجة.. فاكر إنك هتبقى عمر الشريف الجاي.. طبعًا كنت لازم آخد على دماغي.. كنت بقعد في أوضة فيها 15 واحد قـاعـديـن، اللبس بييجي يترمي قدامك بمبدأ إلحق إلبس، بس بيظل ده جزء من التجربة اللي أنا باعشقها.. محدش عارفك لسه".
