بسبب الجمبري .. آسر ياسين يتصدر الترند بعد تصريحاته عن بدايته الفنية
تصدر الفنان آسر ياسين مواقع التواصل الاجتماعي خلال الساعات الماضية، بعد ظهوره في حلقة مع السيناريست عباس أبوالحسن، حيث تحدث عن بداياته في الوسط الفني والمعاناة التي واجهها قبل أن يصبح واحدًا من أبرز نجوم جيله.
وقال آسر ياسين في بودكاست «حوارات مع عباس»: «أنا كنت بروح الانترفيوهات وأتقبل وأنا اللي أقولهم لا أنا عندي Family Busines، أنا ولا عندي Family Busines ولا نيلة، فأنت خارج مهندس من جـامـعة أمريكية وبيتقالك ممكن تروح هنا وهنا وشايف صحابك اللي سافر فرنسا واللي راح أمريكا واللي قعد هنا.. لابتوب.. عربية.. هيبتدي يشوف صاحبته هيخطبها أو هيتجوزها».
أضاف: «أنت رايح لوكيشن تصوير فيلم أو مسلسل ماحدش عارف عنك أي حاجة.. فاكر إنك هتبقى عمر الشريف الجاي.. طبعًا كنت لازم آخد على دماغي.. كنت بقعد في أوضة فيها 15 واحد قـاعـديـن، اللبس بييجي يترمي قدامك بمبدأ إلحق إلبس، بس بيظل ده جزء من التجربة اللي أنا باعشقها.. محدش عارفك لسه».
الجمبري
أشار: «طيب أنا عايز أكل.. أروح أقف على عربية البريك قدام الميكروباص اللي بيطلع الأكل، فتسأله الأكل ايه؟.. يقولك فيه جمبري أو فراخ.. تقوله جمبري.. يقولك لأ مفيش غير فراخ، وتاخد الساندوتش تروح تقعد على جنب».
اختتم: «أنت عارف انت كنت ممكن تبقى فين دلوقتي حالا انا ممكن ابقى فين بس انا اخترتك انك اخترت ده وانا اللي مختار ده وهستحمله وهاخده برجوله».
موعد تصوير مسلسل آسر ياسين الجديد
في سياق منفصل، علم موقع نيوز رووم أن الفنان آسر ياسين والفنانة دينا الشربيني يستعدان لتصوير مسلسلهما الجديد، وسوف يبدأوا تصوير أولى المشاهد مع بداية شهر نوفمبر الجاري، حتى يقدروا على المشاركة به للمنافسة في موسم رمضان لعام 2026، وحتى الآن لم يستقر صناع العمل على اسم محدد للمسلسل، ووضعوا اسم مؤقت وهو “اشهد يا ليل”.
تفاصيل مسلسل آسر ياسين في رمضان 2026
في سياق متصل، قال الفنان آسر ياسين في تصريحات تليفزيونية سابقة عن مسلسله الجديد: “أنا لسه عارف أنه اسمه أشهد يا ليل وأنه اسم مؤقت .. مسلسل لطيف جدًا جدًا .. خالد الحلفاوي المخرج وأنا من زمان جدًا جدًا بحب شغله أوي وبحب النجاحات اللي عملها الفترة اللي فاتت .. وبحب حس الفكاهة عنده .. ومع الكاتبة رنا أبو ريش عاملة شغل حلو أوي .. هيكون أول تعاون مع الفنانة دينا الشربيني .. دينا ممثلة هايلة .. وأحنا بقينا أصدقاء جدًا مؤخرًا .. وحاسس أنها هتعمل حالة هايلة للمسلسل ده .. أحنا مؤخرًا كنا بنتقابل كتير ونقول ما يلا نعمل حاجة مع بعض .. وانا كنت عارف أن في عمل جاي بس كنت مستني أشوف هيحصل ايه .. والحمدلله أتوفقنا وهنعمل سوا العمل ده”.
