مروة صبري تعلق على وقائع الاعتداء على الأطفال بالمدارس: الحل التعليم من البيت
علقت الإعلامية مروة صبري على الوقائع الأخيرة التي تحدث داخل المدارس من اغتصاب وتحرش بالأطفال، وآخرها واقعة مدرسة سيدز.
وكتبت مروة صبري عبر حسابها بموقع فيسبوك: “اللي جوه المدارس يخض أو أشبه بفيلم رعب... الأهالي يودوا عيالهم عشان يتعلموا يرجعولهم مغتصبين ومهتوك عرضهم وحتى معندهمش حرية انهم يشتكوا أو يحكوا بيتعمل فيهم ايه عشان خايفين يموتوهم بالسكاكين على رقابتهم!!!!!!! يعنى ايه ؟؟؟ و فى ايه ؟؟؟ واحنا عايشين فين ؟؟؟؟ وإيه كم الأمراض النفسية اللي بتمارس على طفل غلبان ضعيف مش عارف ولا قادر يتكلم و يدافع عن نفسه”.
الحل الجذري للمهزلة دي أن العيال تتعلم من البيت
وأضافت مروة صبري: " دي مش أول مرة ولا تاني ولا عاشر مرة تحصل.. دي المرة المليون الحل الجذري للمهزلة دي أن العيال تتعلم من البيت Online تعليم عشان نحافظ على اللى باقى منهم لإنهم فعليا انتهوا ومحتاجين تدخل نفسى سريع وبلاش يروحوا مدارس تاني طالما مفيش رقابه ولا امان ولا حماية.
