أخبار الفن.. وفاة الإعلامية ميرفت سلامة وتعليق إسلام كابونجا على وقفه
مرت الساعات الأخيرة بالعديد من الأحداث الهامة على الساحة الفنية، ومن أبرز تلك الأحداث هو وفاة الإعلامية الكبيرة ميرفت سلامة بعد أزمة صحية شديدة، إلي جانب انهيار مطرب المهرجانات إسلام كابونجا بعد قرار إيقافه ومنعه عن الغناء الذي صدر مساء أمس، وقد ظهر في بث مباشر منهارًا من البكاء، وسوف يبرز لكم موقع نيوز رووم تفاصيل أبرز ما حدث.
بعد أزمة صحية شديدة .. وفاة الإعلامية ميرفت سلامة
رحلت الإعلامية ميرفت سلامة منذ قليل عن عالمنا، جاء ذلك بعد تعرضها لوعكة صحية شديدة الفترة الماضية، إلي أن تدهورت حالتها داخل إحدى المستشفيات الكبرى بالقاهرة، ومن المقرر أن يتم تشييع الجثمان بعد صلاة العصر بحضور الأهل والأصدقاء.
بعد صلاة العصر.. تعرف على موعد ومكان تشييع جثمان ميرفت سلامة
أعلنت أسرة الإعلامية الراحلة ميرفت سلامة التي توفاها الله صباح اليوم عن موعد تشييع جثمانها، فمن المقرر أن تبدأ مراسم التشييع بعد صلاة العصر من مسجد الثورة بمدينة نصر، وسوف يكون العزاء في مسجد الشرطة، ولكن الأسرة لم تحدد موعد للعزاء حتى الآن.
في أول تعليق بعد قرار الوقف.. إسلام كابونجا: "أنا غلطت واتحسبت"
قال إسلام كابونجا في حديثه بعد قرار إيقافه عن الغناء: “عايزكم في موضوع كده بالنسبالي حياة أو موت، طبعا كلنا شوفنا الخبر اللي نزل أن أنا اتوقفت، أي حاجة تصدر من النقابة على دماغي، بس اقسم بالله العظيم وهحلف على المصحف وغلاوة بنتي الأغاني دي قديمة، وفي ناس أخواتي ياما هل تؤيد القبض على إسلام كابونجا، وناس مني وناس بتسمعني وناس بحبها كاتبين نعم نؤيد، أي حد يؤيد فوق دماغي، بس الأغاني دي قديمة، وحسبي الله ونعم الوكيل في أي حد بينزلي فيديوهات قديمة عشان يرازيني في أكل عيشي، ورزق بنتي، أنا عندي تحقيق كمان شوية عادي أي حاجة تصدر في التحقيق فوق رأسي، أنا غلطان ، بس واللهي الأغاني دي قديمة، الناس اللي بتسمعني هتعرف القديم من الجديد، الأغاني من الصيف اللي قبل اللي فات”.
شيرين عبدالوهاب تعلق على شائعات اعتزالها بتسجيل صوتي متداول
قالت شيرين عبدالوهاب في التسجيل الصوتي المتداول: “أنا وصلني أن أنا بعتزل، وأنا مودي مش حلو، أنا كويسة جدًا وبحضر لمفاجئات جديدة هتفرحوا بيها أوي، هغنيلكم بس من أماكن مختلفة، أنا هفضل أغني لحد ما اموت، مافيش اعتزال، الاعتزال هو الموت، طول ما أنا عايشة هفضل أغنيي، وبحبكم، وواصلني حبكم، أنا عايشة بحبكم، واتطمنوا عليا، أنا مش بستسلم أبدًا، أه في حاجات جامدة جدًا بتحصلي من أقرب الناس ليا، ومش محاربات بس ده تكسير وقتل، بس أنا جامدة، وربنا معايا وربنا مقويني، وأنا بتاعتكم أنتوا، عايشة عشانكم، استنوا الحاجات الجديدة اللي نازلة، وبحبكم قد الدنيا وأكتر من الدنيا، أنتوا الدنيا بالنسبالي”.
