لقاء الخميسي: السلام هو موضوعي المفضل لو قدمت فيلما لمهرجان القاهرة

أكدت الفنانة لقاء الخميسي، خلال لقاء خاص على هامش ختام مهرجان القاهرة السينمائي الدولي في دورته الـ46، حرصها الدائم على حضور فعاليات المهرجان، رغم انشغالها هذا العام في تصوير أعمال جديدة.

وقالت الخميسي إنها تعتبر مهرجان القاهرة من أروع المهرجانات العربية، مضيفة:"أنا دايما حريصة إني أجي مهرجان القاهرة، يمكن بس عشان بصوّر السنة دي محضرتش حاجات كتير، لكن كان في ندوات مهمة جدًا وأفلام حلوة وكان نفسي أحضر كله بس ملحقتش."

وأشادت بدور الفنان حسين فهمي في إدارة المهرجان قائلة: "ما شاء الله خطير."

فيلم عن السلام لو شاركت في المهرجان

وعن رؤيتها للمشاركة في المهرجان بفيلم من بطولتها أكدت أنها ستختار "موضوع السلام" بقولها: "إحنا محتاجين سلام في حياتنا كلنا، والإنسان عايش عشان يتبسط بلحظة سلام."

ذكريات لا تُنسى مع الأفلام والنجوم

وأعربت الخميسي عن تقديرها للأفلام المميزة التي تشاهدها في كل دورة من دورات المهرجان، إلى جانب سعادتها بلقاء زملائها:"المهرجان بيجمعنا.. وإحنا طول الوقت مش بنشوف بعض."

السينما المصرية بين الماضي والحاضر

وتطرقت الخميسي للحديث عن حال السينما المصرية، مشيرة إلى أنها كانت في السابق "أعظم ما يمكن"، وأن هناك تقصيرًا في الوقت الحالي رغم وجود مؤلفين متميزين يقدمون أفكارًا جيدة.
وأضافت:"مش عارفة التقصير ده جه منين… إحنا ليه مش بنطلع أفلامنا برا؟ إحنا محتاجين فلوس كتير أوي."

وأكدت حبها للأفلام الإنسانية التي تناقش قضايا البشر، موضحة أنها لا تفضل الأعمال المليئة بالعنف.

وفي وقت سابق خرجت الفنانة لقاء الخميسي عن صمتها لتوضح حقيقة إنتاج موسم جديد من مسلسل راجل وست ستات، حيث أوضحت لقاء الخميسي في تصريحات تليفزيونية حقيقة الأمر.

تعليق لقاء الخميسي على تصريحات أبطال العمل

وقالت لقاء الخميسي في تصريحاتها: “أستاذ أشرف عبد الباقي ماشي صح لازم يعرف هنقول ايه ومين موجود وهيشارك ومين مش موجود، أستاذة مها أبو عوف اتوفيت، أستاذة إنعام أنا مش عارفة هتحب تشارك ول لا، أحنا عيلة فمش هينفع نجيب ناس تانية يبقوا مكان الناس اللي مش هيشاركوا، وبالنسبة لتصريحات انتصار فهي مبسوطة ونفسها نعمل موسم جديد بس”.