"لازم نعرف هنقول ايه".. لقاء الخميسي تحسم جدل مسلسل راجل وست ستات
خرجت الفنانة لقاء الخميسي عن صمتها لتوضح حقيقة إنتاج موسم جديد من مسلسل راجل وست ستات، حيث أوضحت لقاء الخميسي في تصريحات تليفزيونية حقيقة الأمر.
تعليق لقاء الخميسي على تصريحات أبطال العمل
فقالت لقاء الخميسي في تصريحاتها: “أستاذ أشرف عبد الباقي ماشي صح لازم يعرف هنقول ايه ومين موجود وهيشارك ومين مش موجود، أستاذة مها أبو عوف اتوفيت، أستاذة إنعام أنا مش عارفة هتحب تشارك ول لا، أحنا عيلة فمش هينفع نجيب ناس تانية يبقوا مكان الناس اللي مش هيشاركوا، وبالنسبة لتصريحات انتصار فهي مبسوطة ونفسها نعمل موسم جديد بس”.
هناك نية لعمل موسم جديد من مسلسل راجل وست ستات
وأكدت لقاء الخميسي أن هناك نية لعمل موسم جديد، حيث قالت: “في نية طبعا وهما كلومي، بس أنا مش عارفة هما وصلوا لحد فين، أنا سايباهم يتعاملوا مع نغفسهم لحد ما يقرروا هيعملوا ايه”.
قرار لقاء الخميسي بالعودة
وعن قرارها بالمشاركة في الموسم الجديد، قالت الفنانة لقاء الخميسي: “أنا هاشوف هنتكلم عن ايه، لما تيجي ترجع بحاجة اتعملت من زمان لازم يكون في موضوع هنتكلم فيه، مش هينفع نرجع كده وخلاص”.
تعليق أشرف عبد الباقي
وقد كشف الفنان أشرف عبد الباقي خلال حضوره ندوة على هامش فعاليات معرض بغداد الدولي للكتاب عن إمكانية تقديم جزء جديد من مسلسل “راجل وست ستات”.
وقال أشرف عبد الباقي: “المنتج عرض عليا نعمل حلقات جديدة، ولكن لسه مش عارفين، خاصة بعد وفاة مها أبو عوف، هل هيكون نفس نتيجة قبل كده ولا أقل".
وأضاف: “ومنة عرفة اللي كبرت دي هتظهر ازاي، هل هتكون اتجوزت وخلفت، هندرس الموضوع ولو نفع هنعمله".
الجزء الأخير من مسلسل راجل وست ستات
وكان الجزء العاشر عام 2016 هو الجزء الأخير من مسلسل "راجل وست ستات" وتدور الأحداث حول عادل وأسرته الذين يتعرضون للعديد من المواقف الكوميدية، وشاركه البطولة كل من الفنان سامح حسين، الفنانة لقاء الخميسي، الفنانة إنتصار، الفنانة مها أبو عوف، الفنانة إنعام الجريتلي، الفنانة منة عرفة، ومن إخراج أسد فولادكار.
