مطرب المهرجانات مسلم يحتفل بتحقيق أغنيته الأخيرة 5 ملايين مشاهدة

احتفل مطرب المهرجانات مسلم بتحقيق أغنيته “لكل من ينتظر سقوطي” 5 ملايين مشاهدة، ورقص في فيديو نشره عبر حسابه على موقع إنستجرام.

وكتب مطرب المهرجانات مسلم: "نقول مبروك 5 مليون، أجدع ناس، بحبكم ودايس على أي حقود".

وعلى صعيد آخر كشفت آية زكريا، شقيقة مطرب المهرجانات مسلم، عن تعرض نجل شقيقها لوعكة صحية، مطالبة الجميع بالدعاء له بالشفاء.

تعرض نجل مسلم لأزمة صحية

وشاركت شقيقة مسلم عبر ستوري إنستجرام صورة لنجل مسلم، وعلقت: "ادعوا لابن مسلم عشان خاطري.. ربنا يشفيك يا نور عيني.. ومايوريني فيك وحش أبدًا.. مليون سلامه عليك يا روح قلب عمتو.. ربنا يشفيك ويعفو عنك ويبعد عنك أي حاجة وحشة يارب".

أزمة مسلم وشقيقته

وفي سياق آخر كانت قد شهدت الأيام القليلة الماضية تطورات متسارعة في أزمة مطرب المهرجانات مسلم وشقيقته آية زكريا، حيث أعلنت الأخيرة تصالحهما بعد انفصال مسلم عن زوجته، بعد فترة من الأزمات والخلافات المتكررة بينهم.

مسلم يرد على شقيقته

ولكن لم تمضِ ساعات على منشورات آية، حتى خرج مسلم لينفي ما قالته في ستوري عبر حسابه على إنستجرام، وعلق: "يا رب نبطل كدب".

طليقة مسلم ترد على شقيقته

ولم يتوقف الأمر عند هذا الحد، حيث دخلت يارا تامر، طليقة مسلم على خط الأزمة، ووجهت لشقيقة طليقها انتقادات حادة في منشور طويل، كتبت به: “يا حرام بقا شكلك شبشب قدام الناس يا عجلة.. بعد ما كدبك.. ده واحد عمره ما هينسي اللي انتي عملتيه معاه بعيد عني أنا شخصيا".

وتابعت : "علشان كده بيكرهك وبيقول في كل حتة إن مهما حصل مش هيسامحك.. انتي بقا جلدك تخين وبتاعت حورات وكذب على الناس.. هتموتي وترجعي تتشافي.. الريتش وقع عندك ومش لاقية كدب وعمالة تعملي أي حوارات.. ملحقتيش تتهني بالكدب يا عجلة.. أنا هموت من الضحك والله.. على رأي مسلم يا رب نبطل كدب يا أم جلد تخين".

وواصلت طليقة مسلم: "والله متبري منك وبيكرهك من اللي عملتيه معاه.. فوقي بقا من حواراتك دي.. أنا ممكن أجبلك دكتور نفسي يعالجك.. بدل ما انتي قرفانة كده.. أو خليكي في حالك بقا.. وملكيش دعوه بحد فينا.. إيه يا بت النقص وعدم الشخصية ده؟ إنتي مقرفة أوي".