أول تعليق لـ بسمة وهبة بعد قرار الأعلي الإعلام:"بناخد المصريين في مشاكلنا"
علقت الإعلامية بسمة وهبة بشكل غير مباشر على قرار المجلس الأعلى للإعلام باستدعاء المسئول عن إدارة حساب السيدة بسمة وهبة، عبر مواقع التواصل الاجتماعي، بشأن ما تضمنته بعض المواد المنشورة من مخالفات للضوابط والمعايير والأكواد الصادرة عن المجلس، حيث نشرت مكالمة هاتفية جمعتها بإعلامي لبناني عبر حسابها الرسمي على موقع تبادل الصور والفيديوهات إنستجرام.
تعليق بسمة وهبة على قرار المجلس الأعلى للإعلام
وقالت بسمة وهبة في هذه المداخلة معلقة على ما فعلته مايا دياب: “أنت نفسك كلبناني بسألك، ترضى أني أنا كمصرية أو حد مصري يطلع يقول لشعبكم أخرسوا، أنا لا اقبل أن حد يغلط في أي مصري، ولا أي مصري يغلط في أي لبناني، أنا بعشق الشعب اللبناني، الشعب البناني كتير مهضوم، أخرسوا دي متتقالش للمصريين، عندك واحدة صاحبتك عندها مشكلة أطلعي دافعي عنها زي ما أنتِ عايزة، بس متهاجميش بلد بحجم مصر، أو تطولي عليها، اتكلمي في المحدود في حدود قدراتك، تعالى قولي أن حد بيهاجم مصر أكيد هقفله وهكون أول واحدة في الصف ومش هقبل ده، أو مثلا حد يجي جنب رئيس دولتي ده ممنوع محدش يجي جنبه، أو شيخ الأزهر ده اتجنن بقى ده خط احمر، محدش يجي على ديني ولا على الدين المسيحي”.
أزمة كريم محمود عبدالعزيز ودينا الشربيني
وعن أزمة كريم محمود عبدالعزيز ودينا الشربيني، قالت بسمة وهبة: “والراجل اللي بيخون غلطان واللي بيخون معاها غلطانة، هي خدت ليه الكلام عليها، أنا قولت أن في ستات بتحب الراجل المتجوز ودول موجودين معانا، ده مرض موجود في الحياة، وعلماء النفس ممكن يحللوا، مال دينا تاخد الكلام ده عليها ليه، أنا أعرف آن معرفش دينا وكريم، ده شغلي أني اطلع أقول ايه صح وايه غلط، الراجل يتزوج ويطلق براحته، بس يطلق عشان واحدة تانية بقيت تربطه علاقة بيها، دي حاجة أنا محبهاش، وبتكلم في المطلق مش بشخصن الأمور، واقف جنب واحدة مظلومة عادي”.
واختتمت بسمة وهبة حديثها في هذا المقطع قائلة: “لو حد جه على الممصريين على بلدي على رئيسي على ديني على دين المسيحيين القيامة هتقوم”.
