عمرو أديب: أنا يهمني إن العلاقات المصرية السعودية تكون كويسة

قال الإعلامي عمرو أديب، إن العلاقات المصرية السعودية، حد هيقولي اه ما أنت معاك جنسية سعودية!!، اه أنا معايا، أنا يهمني إن العلاقات دي تكون كويسة، قولي سبب إن العلاقات فيها توتر، إيه اللي حصل، أنت عندك 2 ونص مليون مصري هناك في السعودية آمنيين ومطمنين، وأنت عندك هنا استثمارات.

وأضاف، خلال تقديمه برنامج الحكاية، والمذاع عبر قناة ام بي سي مصر، :"لقينا ناس كتير الفترة اللي فاتت، عيب كده، ليه علاقاتكم مش كويسة مع السعودية، هما اللي عايزين كده، ومشاركين في كده، أرجوكم ارفعوا أيديكم من على العلاقات المصرية السعودية، ايه الميزة من اللي أنتوا بتعملوه ده، الناس بره بتقول يا تعاون وفي ناس بتقول تناحر.

مباراة القمة

وعلى صعيد آخر، علق الإعلامي عمرو أديب، على مباراة القمة، قائلًا:"مصر كلها سابت كل حاجة رجال أعمال سياسيين بنات صغيرة بنات كبيرة ناس من استراليا الهند والسند، الجميع ترك كل شئ بعد المباراة، وبعتلي، أخويا الكبارة عماد بعتلي بعد المباراة، طب ليه يا عماد؟.

عمرو أديب: كابتن شوبير كاتب تويته يقولي هاردلك ياعمرو

وأضاف، خلال تقديمه برنامج الحكاية، والمذاع عبر قناة إم بي سي مصر:" كابتن شوبير كاتب تويته يقولي هاردلك ياعمرو وقال اي بيواسيني بس هو كدا هيشلني يا جماعة انا مركب دعامة انا ماتشين كمان ومش هكمل بالطريقة دي.

واستطرد:"جمهور الأهلي جمهور محظوظ، ده نادي بيكسب علطول، فأنت فرحان علطول، أما جمهور قلبي يقطر دمًا مش بيكسب علطول، ده نادي دولة، مش نادي بتاع عمرو ولا حسين لبيب، مبروك من دلوقتي الدوري، والكونفيدرالية، كله مبروك.

 كام واحد داخل الماتش النهاردة وعنده احتمال الزمالك يكسب؟

واستطرد :"يا جماعة، كام واحد داخل الماتش النهاردة وعنده احتمال الزمالك يكسب؟، أنا بس اللي كنت متوقع أن الزمالك هيكسب، وأنا بس اللي كنت مهتم بالجلابية، المباراة النهاردة لا تقيس أن الأهلي كان متفوقا هي تقيس ان الزمالك كان غلبان.

وتابع: ده مش ماتش عادل، إحنا النهاردة كنا بنلاعب 10 مهاجمين وجون، وبره 5 مهاجمين، وكنا بنلاعب 10 لاعيبة والجون والـ 4 اللي بره، والحكم والمعلق، إيه العنف ده، إحنا اضربنا ضرب النهاردة، الواد البرازيلي اضرب ضرب، مفيش كورة ، إلا واضرب فيها.

وأضاف:"يا جماعة طلعوا الزمالك مني، مش أنا اللي اطلع مني الزمالك، الكابتن زيزو حبيبي، الاهلي دافع فيه كام، إحنا لا قبل لنا بهذا، الأهلي لازم يكسب، لازم يكون عنده أحسن لاعيبة، سمعتوا في مباراة ليفربول والسيتي، المعلق بيقول يا أجمد لاعب في السيتي.