عمرو أديب للزمالك: العبوا بجلابية بيضا بخطين حمر الكورة مش هتعدي من بين رجليكم
وجه الإعلامي عمرو أديب مناشدة خاصة إلى لاعبي نادي الزمالك، مطالبًا إياهم بارتداء الجلابية البيضاء خلال مباراتهم المرتقبة أمام النادي الأهلي في نهائي السوبر المصري بالإمارات.
شامم إن نادي المليار ممكن يتغلب بكرة
وخلال تقديمه برنامج “الحكاية” المذاع عبر قناة إم بي سي مصر، أعرب أديب عن إحساسه بالتفاؤل قبل المباراة، قائلاً: “العبوا بكرة بالأبيض، حاسس إن روحي فيها حاجة حلوة، شامم ريحة النصر”، مضيفًا: "شامم إن نادي المليار ممكن يتغلب بكرة" في إشارة إلى الأهلي.
وتطرق الإعلامي إلى أهمية الجلابية ودورها الرمزي، مؤكدًا أن ارتداءها يعكس الأصالة ويمنح الفريق دفعة معنوية، مضيفًا: "شامم إن الجلابية بأصالتها ومعاصرتها بكرة تعمل ماتش كويس".
انزلوا بكرة بجلاليبكم.. الجلابية البيضاء أم خطين حمر
كما دعا اللاعبين بشكل مباشر: "انزلوا بكرة بجلاليبكم.. الجلابية البيضاء أم خطين حمر.. حاسس إن بكرة الزمالك هيعمل شيء مختلف، يجيب جونين ثلاثة".
وأضاف بشكل طريف عن تأثير الجلابية على حارس المرمى: "ميزة الجلابية هتخلي حارس مرمى الزمالك مفيش كورة تعدي بين رجليه، لأن الجلابية دي ميزتها إن مفيش كورة تعدي من بين رجليك خالص".
وقال: أنا آدي لي 7 سنين شغال ف الاستوديو ده، محدش جه في يوم وقالي عايز اتصور معاك، اللي بيكلم مراته بخصوص العشا، واللي واللي، النهاردة لقيت الناس بتقول لي عايزين نتصور معاك، ليه يا جماعة؟ علشان الجلابية.
“بكرة لو الزمالك فاز هلبس جلابية بيضا”
وأضاف، خلال تقديمه برنامج الحكاية، والمذاع عبر قناة إم بي سي مصر، :"بكرة لو الزمالك فاز هلبس جلابية بيضا، كل يوم نلبس حاجة جديدة، من ثقافة بلدنا".
واستطرد:"أنا بطالب يبقى في جلابية بارتي، نروح كلنا في مكان ما، ونلبس الجلاليب، إنت شايف حاجة عظمة، عادة وفخر وألاجة ومن جوة طراوة، أنا أعيش في جلباب أبي».
وتابع:" قلت لهم لما دخلت الاستوديو اللي هيضحك، هضربه بالعصاية دي، هذه ثقافتي، ومن حقي أن استمتع بها بطريقتي، إحنا بتوع الهاند ميد، هو شغل مكن، شايف النعومة والجمال".
“أنا اتبهدلت بنطلونات 30 سنة”
وأضاف،:"أنا اتبهدلت بنطلونات 30 سنة، النهاردة أنا أشعر بالحرية، أنا حابب اقول مين مصر، هي لحظة ثقافة، لمحة إبداع، شايف الجمال شايف الحلاوة، وحاسس ان الجلابية دي وشها هيكون حلو على الزمالك، هيأثر بكره على ناصر منسي، وعلى كل اللاعبين.
وتابع: "هشام شرقاوي إللي عامل الجلابية دي مرضيش يأخد مني فلوس، أنا فخور إني لبس الجلابية دي وكمان فيها رحرحة.
الجلابية منتشرة في مصر
وظهر الإعلامي عمرو أديب، في بداية حلقة برنامج “الحكاية” بالجلابية البلدي، مضيفًا:"أنتوا تعلموا التريند اليومين اللي فاتوا، الجلابية منتشرة في مصر، انزل إلى الصعيد وهتشوف الجلاليب، أن فخور بلبسي، الجلابية دي فرعوني، بجد أنا مستمتع أنا سعيد".
