عمرو أديب: الطبقة المتوسطة تعاني… وخدوا بالكم من الحد الأدنى للأجور

قال  الإعلامي عمرو أديب، :"الطبقة المتوسطة في مصر، والشريحة العليا من الطبقة المتوسطة تعاني، وأنت كدولة وقطاع خاص، بتقوله:" أنا اعمل ايه ما الحاجة غليت".

عمرو أديب: “خدوا بالكم من الحد الأدني للأجور”

وأضاف خلال تقديمه برنامج الحكاية، والمذاع عبر قناة ام بي سي مصر:" بعد 50 سنة من البادنجان المقلي، جاي تقولي البادنجان المشوي أحلى، العيال عايزة بطاطس مقلية، وغرقانة زيت".

وتابع:"خدوا بالكم من الحد الأدني للأجور، ف ناس بتقابلنا بتقولي فين الحد الأدني للأجور، رضينا بالحد الأدني للأجور والحد الأدني مش راضي بينا، يعاني الكثير من الناس لانه لا يتم تطبيق الحد الأدني للأجور في القطاع الخاص".

وعلى صعيد آخر، قال: أنا آديلي 7 سنين شغال ف الاستوديو ده، محدش جه في يوم وقالي عايز اتصور معاك، اللي بيكلم مراته بخصوص العشا، واللي واللي، النهاردة لقيت الناس بتقول لي عايزين نتصور معاك، ليه يا جماعة؟ علشان الجلابية.

“بكرة لو الزمالك فاز هلبس جلابية بيضا”

وأضاف، :"بكرة لو الزمالك فاز هلبس جلابية بيضا، كل يوم نلبس حاجة جديدة، من ثقافة بلدنا".

واستطرد:"أنا بطالب يبقى في جلابية بارتي، نروح كلنا في مكان ما، ونلبس الجلاليب، إنت شايف حاجة عظمة، عادة وفخر وألاجة ومن جوة طراوة، أنا أعيش في جلباب أبي».

وتابع:" قلت لهم لما دخلت الاستوديو اللي هيضحك، هضربه بالعصاية دي، هذه ثقافتي، ومن حقي أن استمتع بها بطريقتي، إحنا بتوع الهاند ميد، هو شغل مكن، شايف النعومة والجمال".

“أنا اتبهدلت بنطلونات 30 سنة”

وأضاف،:"أنا اتبهدلت بنطلونات 30 سنة، النهاردة أنا أشعر بالحرية، أنا حابب اقول مين مصر، هي لحظة ثقافة، لمحة إبداع، شايف الجمال شايف الحلاوة، وحاسس ان الجلابية دي وشها هيكون حلو على الزمالك، هيأثر بكره على ناصر منسي، وعلى كل اللاعبين.

وتابع: "هشام شرقاوي إللي عامل الجلابية دي  مرضيش يأخد مني فلوس، أنا فخور إني لبس الجلابية دي وكمان فيها رحرحة.

الجلابية منتشرة في مصر

وظهر  الإعلامي عمرو أديب، في بداية حلقة برنامج “الحكاية” بالجلابية البلدي، مضيفًا:"أنتوا تعلموا التريند اليومين اللي فاتوا، الجلابية منتشرة في مصر، انزل إلى الصعيد وهتشوف الجلاليب، أن فخور بلبسي، الجلابية دي فرعوني، بجد أنا مستمتع أنا سعيد".