مسلم يكشف حقيقة عودته لطليقته يارا تامر وسبب انفصالهما
كشف مطرب المهرجانات مسلم، حقيقة عودته إلى طليقته يارا تامر، مؤكدًا أنهما لم يعودان لبعضهما.
وقال في فيديو له: مش راجع لطليقتي، هي استحملت كتير وربنا يكرمها، هي محترمة وبنت ناس.
وأضاف مسلم: الطلاق مكنش لخلافات، كان بسبب حاجة قولت ما تعملهاش، لكنها عملتها، وده كان سبب الانفصال.
وأشار مسلم إلى أنه لا يفكر في الزواج في الوقت الحالي موضحا: حصل في حياتي أزمات كتير، ومش بفكر أتجوز خالص دلوقتي.
مسلم ينوي السفر خارج مصر
وأعلن مسلم نيته للسفر خارج مصر، حيث قال: خلاص قررت امشي من البلد هسافر وأسيب البلد وأبيع كل حاجة في الشقة وهصفي كل حاجة وهتكل على الله لأني مش عارف أمارس شغلي، ولأني مش عارف اشتغل في بلدي.
وتابع مسلم: هبدأ من بكره أشوف حد يشتري حاجتي، ومش عاوز أي حاجة تاني، أنا اتعرضت لظلم كبير وظلمت بما فيه الكفاية من منتج ومن ومن ناس ومن أهل ومن نقابة، وبقالي سنة مش عارف أصرف على بيتي وناس معايا في الفرقة فيهم اللي بيغسل كلى وأنا مش قادر أساعدهم ومفيش حاجة في ايدي اعملها وفلوسي قربت تخلص وكسرة الرجال صعبة.
واستكمل مسلم: هسافر طالما مفيش أمل، والعيب مش في المحكمة ولا في بلدي العيب في الناس اللي بتقدر تمشي كل حاجة بدماغها وبالواسطة وترشي الناس، وأنا قادر أحقق حلمي في بلدي.
