محمد سامي: تامر حسني أول من دعمني.. و«آدم» كان نقطة تحول في حياتي

 كشف المخرج محمد سامي عن كواليس بدايته الفنية وأول أعماله الدرامية خلال لقائه مع الإعلامية لميس الحديدي في برنامجها "الصورة".

وقال سامي: "أنا بحس إني أبدعت لما أكون مخلص في شغلي، والإخلاص ده كان سر نجاحي من البداية، حتى في الأعمال اللي مش الأقرب لقلبي كنت بديها كل طاقتي"، وأكد أن التفاني في العمل هو أهم ما يميزه في مشواره الفني.

واستعاد سامي ذكريات أولى خطواته في عالم الدراما قائلاً: "أول مسلسل عملته كان (آدم) مع الفنان تامر حسني، وده كان أول مرة أخرج فيها عمل درامي، وقتها مكنش عندي حرية الاختيار، لكن تامر هو اللي رشحني مشكور ودعمني جدًا، وعمري ما أنسى وقفته معايا".

 قناة النهار ليها فضل عليا 

وأوضح أن مسلسل "آدم" كان نقطة تحول مهمة في مسيرته لعرضه على شاشة قناة النهار، مضيفًا: "أنا بحب قناة النهار جدًا، لأنها عرضت (آدم) وكانت ليها فضل كبير عليا".

وتابع سامي حديثه عن أسلوبه في الإخراج قائلاً: "قبل ما أبدأ أي مسلسل، بتفرج الأول وأحاول أشوف الجمهور عاوز يشوفه إزاي، الناس بتحب طعم البيوت القريبة من القلب، بس النوع ده من الأعمال رغم إني بحبه، بخاف أقدمه علشان ممكن يسقط لو متعملش صح".

واختتم قائلاً: "عملت كده في مسلسل (كلام على ورق) واتمسح بيا الأرض، بس كل تجربة بتعلّمني أكتر عن نفسي وعن الجمهور"، مؤكدًا أن الفشل أحيانًا يكون بداية جديدة للنجاح الحقيقي.

وفي وقت سابق تصدر المخرج محمد سامي التريند، بعد إدراج اسمه ضمن القائمة الرسمية لمسابقة “أوسم 100 رجل في العالم”، بحسب موقع TC Candler الذي ينشر سنويًا قائمة تضم أوسم 100 رجل و100 امرأة حول العالم، ويُشارك فيها مشاهير من مختلف المجالات الفنية والرياضية والإعلامية حول العالم. 

وأثار منشور لمحمد سامي أثار تفاعلًا واسعًا، حيث سخر من اختياره ضمن المسابقة عبر حسابه بموقع فيسبوك، وكتب: "لقيت نفسي في المسابقة الرسمية لـ أوسم 100 راجل في العالم، وده خلاني أفكر في 3 حاجات: الأولى إن اللي بيختار الناس في المسابقة عايز يمثل فبيظبطني، أو التانية إن المسابقة دي فيها واسطة، أو التالتة إنهم كانوا قاصدين محمد سامي تاني، بس لقيتهم كاتبين مخرج ومؤلف وحاطين علم مصر. عامة أنا مبسوط وبشكرهم جدًا، وبدعي من كل قلبي إني ماي يدخلش بيني وبينهم شيطان وحد غلاوي يوريهم صوري قبل ما أخس وأروح الجيم”.