والد ضحية الإسماعيلية: “ابني اتغدر ومش قادر أصدق اللي حصل فيه”
قال والد ضحية الإسماعيلية، الذي راح ضحية جريمة بشعة على يد صديقه ، إن ما حدث لنجله لا يمكن تصديقه أو احتماله.
وقال الأبُّ المكلوم في تصريحاته:“ابني اتغدر ومش قادر أصدق اللي حصل فيه، ده ابني الوحيد، مفيش غيره في الدنيا، كان طيب وحنين وبيحب كل الناس.”
وأضاف والده:“اللي حصل في ابني ما يتحملوش بشر، محدش يقدر يعمل كده إلا لو قلبه مات، جمعوا جسمه من كذا مكان، ما قدرتش أبص عليه، ومش قادر أنسى المنظر.”واختتم الأب حديثه قائلًا:“عايز حقه، حتى لو اللي عمل كده طفل، لازم يتحاسب، روح بريئة راحت ظلم.”
وأسفرت التحقيقات الأخيرة في واقعة الإسماعيلية المأساوية عن تفاصيل جديدة وصادمة، حيث كشفت أن المتهم أقدم على خنق زميله حتى فقد الوعي، ثم انهال عليه بالضرب المبرح باستخدام «شاكوش» مما تسبب في تهتك جمجمته، وبعد التأكد من وفاته شرع في تقطيع الجثمان بواسطة منشار كهربائي “صاروخ”.
وخلال أعمال الفحص والمعاينة، عُثر على أجزاء الجثة مقطعة داخل خمسة أكياس بلاستيكية، جرى نقلها إلى المشرحة، فيما قررت النيابة العامة انتداب الطبيب الشرعي لإجراء الصفة التشريحية وبيان أسباب الوفاة وتوقيتها وملابسات الجريمة بالكامل.
كما أمرت النيابة بتحليل العينات المأخوذة من الجثمان والمتهم، وضم التقارير الفنية والطبية إلى ملف القضية، تمهيدًا لاستكمال التحقيقات واتخاذ الإجراءات القانونية اللازمة بحق الجاني.
