مش بضرب حريم.. حودة شيبة يرد على الميكب ارتست منار بعد اتهامه بالاعتداء عليها
نشر حودة شيبة مقطع فيديو عبر حسابه بتيك توك، نفى فيه اعتدائه على الميكب ارتست منار، مؤكدًا أن لا يرفع يده على سيدة، وذلك بعدما اتهمته الأخيرة بالتعدي عليها.
عمري في حياتي ما مديت إيدي على بنت
وقال حودة شيبة:"والله العظيم أنا عمري في حياتي ما مديت إيدي على بنت، هي قليلة الأدب ولسانها زفر ومستفزة ومع ذلك أقسم بالله عمري ما أمد إيدي على بنت حتى لو قالت أكتر من اللي قالته".
وعرض حودة شيبة مقطع فيديو يكشف قيام منار بسبه بألفاظ خادشة، مضيفًا: “لسانها زفر وبتغلط، وأول مرة أشوف واحدة بتغير من راجل ومركزة معاه، وكان عندي مشكلة من كام يوم وحد بيغلط فيا، لقيتها منزلة عندها اللهم لا شماتة، ما انتي اتحبستي 15 يوم، وأنا ما اتكلمتش ولا في بالي، أنا ليه في بالك؟ أنا اتجوزت وعندي أحمد خلاص، أنتي رابطة نفسك ليه بيا؟، أنا مش فاضي للكلام ده”.
وتابع حودة شيبة: “اللي حصل بالظبط الساعة تمانية كنت مسافر القاهرة روحت البنزينة تتصلح، وروحت قعدت في Circle K، ويوسف أخويا رن عليا وجالي قعدنا من تمانية لتسعة، وأنا ماسك التلفون فجأة لقيت واحدة بتشتم ببص ورايا قلت لها تاني وتعملي مشاكل وتشتمي، لقيتها بتشتمني بألفاظ انتم عارفين تربيتها وأنا ولا ضربتها ولا لمستها، وهي غلطت ووريتكم وهي بتغلط، وأنا مش بضرب حريم”.
وكانت الميكب ارتست منار نشرت مقطع فيديو يكشف شجارها مع حودة شيبة، واتهمته بالاعتداء عليها هي وصديقتها، وقالت:" حودة شيبة وأخوه يوسف مدوا إيدهم علينا وشتمني أنا وصاحبتي وقل أديه والناس كانت شاهدة ومش هسكت له، ومش هسيبك وهفضل وراك لحد ما الحكومة تحبسك".
