أحلام السبب.. إيناس عز الدين تكشف عن سبب تسميتها بـ وحش المسرح
كشفت المطربة إيناس عز الدين عن سبب تسميتها بـ لقب وحش المسرح، وذلك من خلال مقطع فيديو من إحدى حفلاتها نشرته عبر حسابها الرسمي على موقع تبادل الصور والفيديوهات إنستجرام.
سبب تسمية إيناس عز الدين بـ وحش المسرح
حيث علقت إيناس عز الدين على مقطع الفيديو قائلة: “تقدير الناس و حبهم نعمة كبيرة، وحش المسرح ده مش إسم ولا لقب أنا حطاه لنفسي علشان يسبق اسمي، وحش المسرح ده وصف لشخصيتي على المسرح و اللي لقبتني بيه النجمة الجميلة أحلام و أساتذة كبار كتير، لأن اللي يعرفني عارف إني على المسرح بكون شخص تاني في قمة القوة و الثبات و الثقة و الإنطلاق على غير طبيعتي الخجولة اللي عندها رهاب إجتماعي، أنا مؤمنة بموهبتي و واثقة فيها و هوصل لبعيد بيها أجلاً أم عاجلاً”.
مشاركة إيناس عز الدين في مهرجان الموسيقى العربية
في سياق منفصل، أعلنت المطربة إيناس عز الدين عن عودتها إلي القاهرة ومشاركتها في حفل المطرب هاني شاكر بمهرجان الموسيقى العربية، حيث نشرت صورة لها وأرفقتها بمنشور مطول عبر حسابها الرسمي على موقع التواصل الإجتماعي فيسبوك، لتعلن عن ذلك.
وقالت إيناس عز الدين في منشورها: “ساعات قليلة تفصلني عن العودة إلى القاهرة لإستئناف حفلاتي .. عايزة أوجه شكر كبير جدًا حقيقي لصديقي و أخي العزيز أحمد الغول على مجهوداته و تعبه في حفلات مراسي السنة دي .. و حقيقي كان لي كل الشرف بالتعامل معاه لأول مرة ومستحيل تكون آخر مرة لأن شرف لأي فنان التعامل مع شركة تنظيم بالرقي و الإلتزام ده بجد .. شيء محترم فوق الوصف و من زمان كنت أتمنى إن كل الناس في تعاملاتهم تبقى بالإنضباط والإلتزام بكل التفاصيل و الإتفاقات بالشكل ده".
واستكملت إيناس عز الدين حديثها قائلة: “و طبعاً شكر عظيم لكل فرد من أفراد فرقتي الأعزاء اللي ساعدوني على تقديم موسم مشرف ولله الحمد الكل بيتكلم عنه .. وشكر خاص لزوجي و حبيبي و شريك مشواري و مدير أعمالي اللي مؤمن بيا بحق و حقيقي أحمد قمر على مجهوداته اللي كانت بتخليه فعلاً ما ينامش .. لأنه شايفني في مكانة كبيرة بيسعى بكل جهده إنه يحطني فيها ولأنه بيستسمر فيا إيماناً بيا و بموهبتي اللي ربنا رزقني بيها”.
