بعد تعرض مسلم لوعكة صحية| رسالة مثيرة للجدل من زوجته.. ماذا قالت؟
وجهت يارا تامر زوجة مطرب المهرجانات مسلم رسالة غامضة مثيرة للجدل إلي شقيقة مسلم، بعد محاولات عديدة منها لهدم علاقة مسلم وزوجته، جاء ذلك بالتزامن مع إصابة مسلم بجلطة في ذراعه الأيمن بالكامل.
بعد تعرض مسلم لوعكة صحية
وخرجت يارا تامر زوجة مسلم عن صمتها من خلال بث مباشر عبر حسابها الرسمي على موقع تبادل الصور والفيديوهات إنستجرام، حيث قالت: “انا مش هقولكم اتخاض في شرفي ولا في عرضي .. أنا جبت أخري خلاص من الناس دي .. عارفة أن اللي بعمله ده ممكن يخلي مسلم يطلقني .. عشان هو حالف عليا بالطلاق متكلمش .. بس أنا خلاص مش فارقلي .. أنا كل اللي يفرقلي كرامتي قدام الناس .. أنا ساكته مع أن في أيدي أطلع وافضحها بدلائل .. بس عمالة أقول خلاص يا بت هتسكت”.
شقيقة مسلم تنتقد تصرفات مسلم مع زوجته
وأوضحت زوجة مسلم حديثها قائلة: “كل ما تشوفنا مبسوطين تجيلها حالة نفسية .. عندها مرض اسمه يارا تامر .. أنا معرفش بجد مالها بينا .. كل اللي حصل أني طلعت في فيديو باخد رأي جوزي في أكلي وهو قال أنه ممكن يكون أحلى من أكل مامته .. فيها ايه فين العيب .. هو شايف أن أكل مامته تحفة ومش مصدق أني عرفت أعمل زيه .. هو مشتمش ولا قل أدبه مقالش حاجة غلط .. ومامته نفسها بتكلمه .. لكن هي تطلع وتقول هو بيغلط في ماما ومراته متسواش شبشب ماما .. أنتي ازاي بقى بتحسبني على أمك وتشتمي أمك قدام الناس .. طالعة تشتمي أخوكي وتقولي أنه مش راجل .. أنتي بني أدمة متربتيش والناس كلها مش شايفة حقيقتك”.
يارا تامر تحذر شقيقة مسلم
ووجهت رسالة تحذيرية إلي شقيقة مسلم: “أنتي وحشة وزبالة مع كل الناس وسلفتك وأمك .. باين سوادك مع الكل .. أعوذ بالله يا شيخة .. دي بتشتم سلفتي وبتهزقها وبتقول أن جوزها متجوزعليها بالكدب .. عشان الناس بتقول هي ليه بتعمل معاكي كده .. لا هي بتعمل كده مع كله مريضة مرض نفسي من الناس كلها .. بس يارا بس اللي مجنناها وعملالها خرم في دماغها .. راحت جابت بني أدمة زبالة تتكلم عليا وعن شرفي بالكدب .. مافيش كلمة قالتها صح .. عملتا قضية وسكت .. بس مش هسكت تاني هديكم كلكم فوق دماغكم .. أن واثقة في نفسي مليون في ال100 .. آخرهم كلام .. راجل فيكم يقفوا قدام الناس كلها ويواجهني بحاجة عليا .. اللي هيتكلم عن شرفي تاني هطلع أعرفه هو مين”.
أزمة مسلم وشقيقه
وأوضحت يارا تامر ما حدث مع شقيق مسلم، حيث قال: "أخوها محمود طلع امبارح وقال أني شتمته .. نفسي أشوف الشتيمة اللي شتمتها .. كل اللي حصل أنه طلب فلوس من مسلم ومسلم قاله استنى عشان مش شغال دلوقتي .. راح قلب عليه ودخل ينكشني .. ناس جعانة وناس مشافتش بربع جنيه تربية .. مسلم قاعد من الشغل .. أنتوا مبتحسوش أنه عنده بيت واتنين وتلاته وبيصرف عليهم .. أنا مش مقطوع لساني عشان ماخدش حقي .. حتى لو النتيجة أنه يحصل اللي أنتوا عايزينه وهتطلع أنا مش هسكت غير لما أخد حقي".
