معموله سحر.. شقيقة مطرب المهرجانات مسلم تكشف تفاصيل خلافهم

كشفت آية شقيقة مطرب المهرجانات مسلم، كواليس الخلاف العائلي بينها وبين زوجته يارا، مؤكدة أن غياب الحزم من البداية كان سببًا في تصاعد الأزمة، معربة عن حزنها الشديد من القطيعة بينها وبين شقيقها، وتمنيها عودة العلاقة بينهما.

مبادرة الصلح 

وقالت آية، خلال تصريحات تليفزيونية: أتمنى نتصالح أنا ومسلم، لأن عدم اتصاله عليّا وإني مسمعش صوته مأثر فيا جامد، هو أخويا وحبيبي وكان أقرب حد ليا، أنا أصالح أخويا وأبوس دماغه، لكن مستحيل أعتذر ليارا، لأنها هانتني بما فيه الكفاية.

وأضافت أن شقيقها تزوج ثلاث مرات رغم أنه لم يتجاوز 24 عامًا، وأن لديه طفلين، أحدهما يُدعى مالك من طليقته يارا، مشيرة إلى أنه لا يراه حاليًا ولكنه يحرص على إرسال مصاريفه، كما أن لديه ابن آخر يُدعى مسلم من زوجته السابقة ميكا.

وعن غيابها عن حضور حفل زفافه، أوضحت آية: معرفتش أحضر الفرح علشان الخلافات مع يارا، هي غلطت فيا وفي والدتي، ومع ذلك راحت الفرح غصب عني، ومسلم جاب لها عربية خاصة، لأن لو مكنتش هتحضر مكنش فينا حد هيحضر، إحنا كنا رافضين الجوازة دي من الأساس.

معموله سحر 

وأكدت آية أن يارا ليست من نفس البيئة أو التفكير، قائلة: هي مش شبهنا، والأصول عندنا الست مهما حصل من جوزها مبتردش الإساءة بالإساءة، لكن كانت بتتعامل كأنها هو، ومسلم مكنش بيرد، ومش عارفة ليه واقف في مكانه مش بيتحرك.

واختتمت: مقدرش أقول إنه بيحبها، هو كان بيحب اللي قبلها، كانت محترمة، بحسه مسحور، علشان اللي بيحصله مش طبيعي، ولما كنت بسمع إنهم فسخوا الخطوبة، كنت بحاول أرجعه لـ ميكا، لأنه كان بيعشقها، ولما كانت بتغلط كان بيقولها بلاش تتعاملي مع أهلي كده، لكن مع يارا مش قادر عليها.

مسلم يتحدث عن تعرضه للأذى

وكتب مسلم : “مكنتش متخيل إن في حد يأذي حد بالطرق دي بجد .. حسبي الله ونعم الوكيل .. أنا حقيقي كل يوم في مستشفى شكل وعمل رسم قلب وعمل كل حاجة .. وميظهرش حاجة في الكشف .. طب من إيه ؟ .. الطب نفسه مش عارف يشخص حالتي .. يارب أنت أقوى  من أي حاجة .. وانت عارف إني إنسان نضيف ومليش في الأذية .. ولا أعرف العدوان .. أقف جمبي وحق لا إله إلا الله لأقف جمب أي حد يحتاج حاجة مني .. وأكون في المقدرة عليها .. هعملها يارب”.