صولا عمر تواجه مشكلة مع شركة نيسان .. وتحذر المواطنين
واجهت الفنانة صولا عمر مشكلة كبيرة مع سيارتها في توكيل شركة نيسان للعربيات، حيث خرجت عن صمتها في بث مباشر على موقع تبادل الصور والفيديوهات إنستجرام، وقالت: “هو أنا ينفع افضفضلك واحكيلكم عن مشكلة كبيرة جدًا .. مع شركة نيسان .. الشركة دي مش عايزة تديني حقي .. ومش عايزة تخلص داخلين في سنة .. عربيتي مركونة عندهم بقالها 10 شهور .. عشان عربيتي جابت ماتور .. نيسان 2022 فيها عيب صناعة في الماتور .. ده مش إقرار مني .. ده إقرار من كلية الهندسة عين شمس .. بعد ما عملت محضر والمحضر اتحول للنيابة .. والنيابة أمرت بفحص من اللجنة الهندسية في عين شمس .. واللجنة أقرت أن العربية فيها عيب صناعة بيؤدي لفشل في الماتور”.
مشكلة صولا عمر مع سيارتها
وأوضحت صولا عمر من خلال منشورًا على خاصية الأستوري على حسابها الرسمي على موقع تبادل الصور والفيديوهات إنستجرام، حيث قالت: “كمان السيارة مش بتسجل ارتفاع مؤشر للحرارة ف لو حضرتك سايق و حصلك نفس المشكلة بتلاقي العربية وقفت .. فجاة أنت مبتعرفش ايه المشكلة ؟!!! .. طب أنا كنت جنب البيت وكلمت وقتها حد من صحابي و جاللي وكنت ع طريق السويس which is كارثة أني اقف ع طريق زي ده !!!! .. أي حادث ع الطريق ده بالذات بيبقى ب كذة عربية !!! .. ومعظم اللي بيركبوها بنات".
واستكملت صولا عمر حديثها قائلة: "ف أنت ازاي تعرضني للخطر ب الطريقة دي و كمان لما اجي اقولك عربيتك عرضتني للخطر متسحبس مني العربية .. ف نفس اللحظة وتديني عربية بديلة او تحل المشكلة او حتى تعوضني عن عربيتي الفترة دي كلها وكمان تماطل في تصليحها ب الطريقة دي !!! .. اللي بيحصل ده غير مقبول و خطر جدااا .. مين كان هيبقى مسؤول لو العربية دي كانت وقفت ف مكان مفيهوش مساعدة سريعة وأنا بنت !!! .. مين هيبقى مسؤول لو العربية دي لأقدر اللّه ولعت لانها مش بتسجل حرارة أصلا! .. مين كان هيبقى مسؤول لو العربية دي تتسببت ب كارثة ع طريق زي طريق السويس والعربية دي جديدة أنا اول مالك”.
آخر أعمال صولا عمر
في سياق منفصل، قد شاركت صولا عمر مؤخرًا في مسلسل موضوع عائلي 3، وهو من بطولة ماجد الكدواني، ومن تأليف محمد عز الدين ومن إخراج أحمد الجندي، وضم العمل في بطولته كل من نور اللبنانية، رنا رئيس، سماء إبراهيم، محمد رضوان، رانيا يوسف، ودارت الأحداث الجزء الثالث، حول إبراهيم الذي يلجأ لطبيبة الأعصاب مريم بعد معاناته من مشكلة صحية خطيرة، بينما تتوطد علاقته مع خالد شقيق زوجته الراحلة، ويتعرض العمل أيضًا لعلاقة سارة وحسن بعد ارتباطهما.
