سماح أنور: "الاحتواء مفتاح العلاقة.. ومتتوقعيش الاهتمام من أي راجل"

قدمت الفنانة سماح أنور مجموعة من النصائح للنساء حول العلاقات العاطفية، مؤكدة أن التعامل بحكمة واحتواء الرجل هو مفتاح نجاح أي علاقة.

وقالت سماح، خلال استضافتها في برنامج «أسرار النجوم» عبر إذاعة نجوم إف إم: «الراجل لو اديتيله مفتاح العلاقة هيدمرها وقتي.. هو مش فاهم!..الست اللي عايزة الراجل فعلاً لازم تحتويه».

متتوقعيش الاهتمام من حد

وأضافت: «محدش هيعرف يحن ويطبطب عليكي بنسبة 100% غيرك، وأي حد تاني ممكن يغلط.. ولو مسكت الكرباج لحد مش فاهمني، أبقى عبيطة وفيا حاجة غلط».

وتابعت سماح أنور: «متتوقعيش الاهتمام من بني آدم طول الوقت لأنه مستحيل».

في سياق متصل، كشفت الفنانة سماح أنور، عن رفضها دخولها في علاقة حب جديدة وآرائها حول الرجال، كما تطرقت إلى كواليس عدد من أعمالها الفنية، وذلك ضمن حوارها مع الإعلامية إنجي علي، في برنامج أسرار النجوم، الذي يُذاع عبر نجوم إف إم.

إمرأة واحدة لا تكفي الرجل

وقالت سماح : “إمرأة واحدة لا تكفي بالنسبة لمعظم الرجال، لأن الإنسان بطبعه يمل، والراجل ملول جسديا، وعلى المستوى الشخصي والنفسي مش عايز كلام كتير، ولكن الست بتحب تتكلم عشان تعبر عن مشاعرها”.

وأضافت : “الراجل لما بيمل جسديا، بيروح لواحدة تانية خالص عشان يهرب من الكلام، الست اللي في إيدها الراجل، ربنا عاملها هي اللي بتعرف في العواطف والاستقرار، لأن عندها القدرة على الاحتواء”.

رفض سماح أنور دخول علاقة عاطفية جديدة 

أما عن رفضها الدخول في علاقة عاطفية جديدة، قالت سماح أنور : “مش هحب تاني، وقررت عدم الدخول في أي علاقة عاطفية جديدة، ومش مؤمنة بفكرة أن لكل سن حلاوته، والسن مش شئ مهم، لكن المجتمع أصبح يستغله كوسيلة ضغط على الستات علشان يعملوا بوتوكس وفيلر".

كواليس شخصية أم هاشم

وكشفت سماح كواليس تقديمها شخصية أم هاشم في مسلسل كتالوج مع محمد فراج، قائلة : "كل حاجة في أم هاشم فيا، لكن أنا مش مع وجود مربية في البيت علشان ولادي، أنا مع فكرة الأم هي المربية الوحيدة أو الجدة، لو حد غريب لازم يبقى أم هاشم، أمينة للدرجة دي وبتحبهم يمكن أكتر من أهاليهم، لكن ده نادر جدا".