الخطورة زالت وتنتظر العودة إلى مصر.. تطورات الحالة الصحية للفنانة أنغام
كشف الإعلامي محمود سعد تطورات الحالة الصحية للفنانة أنغام، مؤكدًا أن وضعها الصحي أصبح مستقرًا، وزالت الخطورة عنها، وفي انتظار عودتها إلى مصر.
في انتظار الإفراج عنها من ميونخ وتكون عندنا في القاهرة
وقال محمود سعد خلال بث مباشر عبر صفحته الرسمية بموقع فيسبوك: "حاليًا الألم تراجع بنسبة كبيرة وقالوا ليها اخرجي اتمشي في الطرقة. وبتاكل طبيعي حاجات بسيطة. وما حصلش أنهم أدوها أي أنواع تغذية. وامبارح كنا مستيين أرقام التحاليل، وكلها زي الفل والأمور دلوقتي مية في المية والحالة دلوقتي تمام التمام وفي انتظار الإفراج عنها من ميونخ وتكون عندنا في القاهرة، والحمد لله الأزمة عدت بدعاكم وحبكم وعارف إنكم بتحبوا أنغام لكن مكنتش متصور للدرجة دي”.
كما كشف محمود سعد تفاصيل أول جراحة خضعت له اأنغام: “أول حاجة عملتها أنغام منظار عن طريق الفم وما تعتبرش عملية وشالوا لها جزء من الكيس وقالوا هنشوف لو الكيس كبر واتحرك هنضطر نعمل عملية كمان، ولو فضل زي ما هو تروحي بلادكم وكل شهرين تعملي سونار وتبعتي لينا، لكن بعد يومين الألم زاد وقالوا ليها الكيس بيكبر ولازم نشيله ونشيل جزء من البنكرياس. وبعد 15 يوم، عملت الجراحة الثانية من غير أي جرح لكن عملوا تلات فتحات لدخول أجهزة معينة.. وشالوا الكيس وجزء من البنكريس والعملية خدت تلات ساعات ونص. وبعدها خرجت من العناية وراحت أوضتها وخرحت بألم شديدة جدا وقعدت فترة كان فيه آلام صعبة وحصل مضاعفات للعملية وكانت متوقعة. والحمد لله دلوقتي حالتها أفضل كتير، وأنا بأكد لكم أن الخطورة والألم زال”.
