بسبب اتهامها بالإساءة للمصريين .. المهن التمثيلية تُحيل بدرية طلبة للتحقيق
قررت نقابة المهن التمثيلية، برئاسة الدكتور أشرف زكي، إحالة الفنانة بدرية طلبة للتحقيق، بسبب فيديوهاتها على السوشيال ميديا، التي اتُهمت بسببها بالإساءة للمصريين.
أشرف زكي يُحيل بدرية طلبة للتحقيق
وقال أشرف زكي في تصريح خاص لـ نيوز رووم : “قررنا إحالة بدرية طلبة للتحقيق”.
آخر فيديوهات بدرية طلبة
وكانت قد ردت بدرية طلبة بالأمس، على بعض الشائعات التي تتهمها بأنها كانت تعمل خادمة في منزل الفنان الراحل حسين الإمام.
ماكنتش شغالة خدامة عند حسين الإمام
وقالت بدرية طلبة في بث مباشر عبر حسابها الرسمي بموقع فيسبوك: “لقيت واحدة بتقول إني كنت شغالة خدامة عند حسين الإمام، شفتيني فين وأنا بخدم؟ هل حسين الإمام كاتب ده في مذاكراته وسابها ليكي؟ إيه الافترى ده!”..
وأضافت بدرية طلبة: “حسين الإمام الله يرحمه لو أطول أمسح الشقة لمراته وعياله هعمل كده ردًا لجمايله عليا، علشان أنا بنت بلد وواكلة على طبلية أبويا، ومعنديش مشكلة أروح أمسح لمراته واشتغل خدامة تحت رجلها لأن حسين الإمام هو اللي عملني”.
كنت مُدرسة في إسكندرية
وتابعت بدرية غاضبة :"كل اللي مالوش محتوى عاملني محتوى وستات محجبات .. طيب يا شيخة راعي الطرحة اللي أنتي لابساها.. أنا كنت مدرسة في إسكندرية وسبت المدرسة اللي كنت شغالة فيها علشان آجي مع جوزي اللي أنا قتلته، زي ما بيقولوا إني قتلته، عاوزة ست محترمة حد يقولها انتي قتلتي جوزك وبعتي أعضائه تقولي أرد أقول إيه، أنا هرد بالطريقة اللي تريحني وتخلي عيالي مبسوطين إني خدت حق أبوهم وهو في تربته".
وأضافت : “عاوزين مني إيه، أنا عندي مؤسسة خيرية، وبعد ما لغتها هرجعها تاني، وعمري ما كنت شبعة بعد جوعة من كتر العز اللي أبويا عيشني فيه، وبيتقالي يا كومبارس إيه المشكلة لما أكون كومبارس. فيه ناس بتتمنى تعدي قدام الكاميرا. يا ستي أنا كومبارس. أهي الكومبارس دي عملت إعلانات يا ما وحملة من الأمم المتحدة لتوعية المرأة المصرية. أنا كومبارس وعملت كل ده وصوتي على لعبة بابجي ومفيش موسم من مواسم الرياض ما روحتوش. ومفيش دولة عربية ما اشتغلتش مع الكبار فيها”.
