صبري فواز: لطفي لبيب حارب العدو سنة 67.. إزاي ما ينفعش نترحم عليه؟

انزعج الفنان صبري فواز من بعض التعليقات السلبية التي تم تداولها على مواقع التواصل الاجتماعي بعد وفاة الفنان لطفي لبيب، حيث رأى البعض بأنه لا يجوز الترحم عليه لأنه مسيحي الديانة، وهو ما أثار غضب الكثير.

لطفي لبيب بيحارب العدو على الجبهة

وكتب صبري فواز عبر صفحته الشخصية بموقع فيسبوك: "هل تعلم أيها اللطخ .. ياللي بقى في إيدك موبايل وبتكتب ( ماينفعش نترحم على لطفي لبيب) .. 
أنه ساعة ماكان أبوك بيتعلم المشي لسه، كان الأستاذ لطفي لبيب بيحارب العدو على الجبهة ؟!  كأحد أبطال حرب أكتوبر اللي دخلوا الجيش سنة 67 .. وفضل لحاااد ما خلصت حرب أكتوبر 73".

وأضاف: “يا أخي يلعن أبو اليوم اللي يخلي بتاع زيك يقول كده على أبو اللي سمم عقولكم وأرواحكم بالشكل ده”.

وفي منشور آخر كتب صبري فواز: “رسايل كتير على موضوع (الله يرحمه) .. فيه اللي روحه ودماغة خربانين تماما ولا يرجي لهم شفاء..  وفيه اللي روحه طيبة بس دماغه متلخبط. البوست ده، للنوع التاني اللي قلوبهم طيبة ودماغهم متلخبطة”.
 

مش إحنا اللي بنرحم ولا احنا اللي بنعذب

وأضاف: "شوف يا سيدي. مش إحنا اللي بنرحم ولا احنا اللي بنعذب.. ولا احنا اللي بنمنح ولا احنا اللي بنمنع دي حاجات بتاعة ربنا لوحده، لا شريك له )
كل الحكاية إني احنا (بندعي) ربنا للي بنحبه .. وهو سبحانه صاحب القرار".

عمرو محمود ياسين: لا ترهقوا أنفسكم بالتفكير في مصيره الأبدي 

كما أعرب المؤلف عمرو محمود ياسين من انزعاجه هو الآخر من هذه التعليقات وكتب: “هذا الرجل الجميل الفنان الرائع وبطل حرب أكتوبر  لطفي لبيب.. اذكروا هذا الرجل بالخير والحب ولا ترهقوا أنفسكم في التفكير بمصيره الأبدي..  وكفاية تنطع. وإنا لله  وإنا إليه راجعون”.