ملك زاهر لـ "نيوز رووم":أنا بخير ولكن مستنية التحاليل لمعرفة طبيعة مرضي
انزعج جماهير الفنانة ملك زاهر خاصة بعدما نشرت ستوري توضح بها أنها مريضة بمرض لا أحد من الأطباء يعلم سببه، مما جعل هذا يتصدر تريند محركات البحث، وتواصل موقع نيوز رووم ليطمئن على صحة ملك زاهر.
ملك زاهر تطمئن جمهورها على صحتها
وطمأنت ملك زاهر جمهورها في تصريحات خاصة لـ موقع “نيوز رووم”، حيث قالت: “أنا بخير .. ولكن مستنية التحاليل لمعرفة طبيعة مرضي”.
ملك زاهر تمر بوعكة صحية
ويأتي ذلك بعدما أعلنت الفنانة ملك زاهر صباح اليوم عن مرورها بأزمة صحية، وذلك من خلال منشور عبر خاصية "الأستوري" عبر حسابها الرسمي على موقع تبادل الصور والفيديوهات إنستجرام، حيث قالت: "عمري ما كنت بنزل على السوشيال ميديا غير الحاجات اللطيفة، أو المواقف المضحكة، أو أي حاجة إيجابية .. ولما كنت أحب أتكلم عن حاجة سلبية، كنت دايمًا باخدها بهزار وأنزلها بس على الـClose Friends .. كنوع من الفضفضة بيني وبين أصحابي .. لكن مؤخرًا، بدأت ألاحظ تعليقات من نوعية: (إنتي عايشة ومبسوطة وإحنا مش)، أو (إيه كل اللي إنتوا فيه ده؟) .. وكأن الناس بدأت تركز في أبسط الحاجات اللي ممكن تفرحني .. زي خروجة مع صحابي أو إني أروح الجيم أو أروح إيفينت وأنا حاطة ميكاب!"
تفاصيل الوعكة الصحية
واستكملت ملك زاهر قائلة: "حبيت أوضح إن الحياة مش وردية .. بقالي 3 أيام تعبانة، وعندي حاجة لحد دلوقتي مش معروف سببها .. وظهرت فجأة! قبلها بنص ساعة كنت زي الفل .. ومن ساعتها مش قادرة أخرج أو أشوف حد .. حالتي النفسية صعبة جدًا .. وقررت أشارك ده عشان الناس تعرف إن حياتي فيها الحلو والوحش زي أي حد، لكن يمكن أنا متعودة أشارككم الجانب الحلو بس .. وده غالبًا مش صح. فقررت أكون صادقة وأشارككم كمان الجانب الصعب .. ومع كل ده، أنا راضية وبحمد ربنا .. وعندي يقين إن اللي عندي بسيط .. وإن شاء الله هخف وأرجع كويسة".
واختتمت ملك زاهر حديثها قائلة: "كل اللي بطلبه إن الناس تبطل تحكم على غيرها من خلال السوشيال ميديا .. لأنها مش بتعكس أكتر من 20٪ من الحقيقة .. وبدعي إن ربنا يشفيني بسرعة .. الهدف من الستوري مش إن الناس تقلق .. لأني بخير الحمد لله .. واللي عندي له حل .. لكن حسيت إني محتاجة أكون حقيقية وأشارك الوحش زي ما بشارك الحلو .. مش أكتر".
