حمادة هلال يكشف عن ذكرياته في القدس: "وأنا ببص على قبة الصخرة عرفت أني هكون أب"
كشف الفنان حمادة هلال عن ذكرياته في أول مرة سافر بها إلي فلسطين وتحديدًا القدس، مؤكدًا أن تلك المرة تحمل له الكثير بسبب علمه بأنه سوف يكون أب وهو هناك.
حفل حمادة هلال في فلسطين
حيث قال حمادة هلال في تصريحات تليفزيونية: “أنا كان نفسي أروح القدس جدًا بس طبعًا مكنش ينفع، فجات لي حفلة هناك في 2009، وأنا أتمنى أغني لكل الشعب الفلسطيني، لأنه شعب غالي على قلوبنا كلنا وبنعشقه، وأنا مراتي أصلا من غزة، ولدها المهندس سميح الكاشاوي رحمه الله عليه من غزة، وأنا هناك قالولي مش هينفع تروح القدس، وأنا ولا جاي في دماغي أي حاجة غير أن أنا عايز أروح، والفرقة كلها قلت لهم هتيجوا معايا، وكان معانا عازف الأورج اسمه سامي الحناوي، كان وقت القداس بتاعه هناك، فقلت له إن شاء الله هتخش وتعمل القداس بتاعك في الكنيسة هناك، وأنا عايز أروح المسجد الأقصى، والفرقة كلها معظمها عايزة تروح”.
دخول حمادة هلال إلي القدس
وعن كواليس دخول حمادة هلال القدس، أوضح: “وأول مركبنا الأوتوبيس سبحان الله معرفش ازاي نعدي، أو هناك عشان تخش عاملة زي الكارتات كده اللي هي المعديات عدينا لوحدنا، فطريق لقينا سبحان الله هما انشغلوا كانوا مشغولين في عربية شاكين فيها، فسابونا نعدي، لا قالوا سياح، وعدينا، وأنا داخل ببص على القبة الصخرة، فلقيت مراتي بتكلمني، فعايزة أقول لها بقول لك أنا اقفلي دلوقتي، فلاقيتها بتقولي الحمدلله أنا حامل، وأحنا كنا سنة كده، أوه أقل من سنة ومش مركزين بس طبعا الواحد عايز يطمن يعني، وكان يوم جميل ودخلنا وعرفت وحتى يعني قلت سبحان الله بشرة حلوة يعني”.
