"رجع دم".. نشوى مصطفى تكشف اللحظات الأخيرة في حياة زوجها
كشفت الفنانة نشوى مصطفى عن اللحظات الأخيرة في حياة زوجها الراحل، وذلك في تصريحات إعلامية.
اللحظات الأخيرة في حياة زوج نشوى مصطفى
حيث قالت نشوى مصطفى معلقة: “قلت لابني بابا شكله تعبان، فطلع برضو حاول معاه، قالوا لا بكرة وكده، فعبد الرحمن بيقولي ماما بابا قلت لهم سهل فلاقيت عبد الرحمن نايم خالص، وسوري يعني نايم بيشخر كمان يعني نايم خالص، وهو وعدنا بكرة إن شاء الله هيروح المستشفى، قفلت التليفون ونمت كده تاني، لقيت حمادة قام قاعد عرف أني كأن حد بيشده وراح حاطت إيده كده فبقول له حبيبي مالك في إيه؟ راح باصص لي كده، وجاي ميل فأنا جريت جريت على السرير عشان أسنده فحط دماغه ورجع دم، دم كتير فبقيت عمالة أشهد أن لا إله إلا الله وأشهد أن محمد رسول الله ابني تقريباً عشان هو ساكن اوضة نومه تحت اوضة نومي بالظبط جري فقال لي علي ابني فقال لي فين؟ وقلت له اتصل بالإسعاف فوراً اتصل بالإسعاف الإسعاف كلموه قالوله أنتوا فين بالظبط بيتكم إحنا في أول الشارع فقالي أنا نازل أجيبهم، بس راح أعمل كده وفضل بصص على نقطة واحدة فأنا بقول له عمالة بصله، بقوله بتبص على إيه يا حبيبي؟ بتبص على إيه؟ مركز في نقطة جداً فأنا عمالة ببص على الحيطة وبفتكر إن في شرخ في الحيطة في يعني مش عارفة بقوله ببص على إيه يا حبيبي؟”
رغبة نشوى مصطفى في ارتداء الحجاب
وقد كشفت الفنانة نشوى مصطفى عن رغبتها في ارتداء الحجاب، خلال الفترة المقبلة، خاصة أنها تتمنى مع اتخاذ تلك الخطوة تتقرب أكثر من الله.
حيث قالت نشوى مصطفى في تصريحات إعلامية: “أتمنى أتحجب.. يا رب يكتب لي الفضل ده، ويبقى نعمة ورضا من ربنا، مظنش هيبقى لي وجود في التمثيل وقتها.. وده مش بمزاجي، وأحب لما أعتزل أتقرب بقى لربنا، بقالي 60 سنة الدنيا شغلاني، الواحد يحب يتفرغ الكام سنة الفاضلين يبقى مع ربنا، من غير حاجة تعطلني”.
