بعد عيد ميلادها.. شيماء سعيد: "اللي ظهر مش خطيبي وهو ليبي ورافض الظهور"
حرصت الميك اب أرتيست شيماء سعيد أرملة المطرب إسماعيل الليثي على الرد والتوضيح فيما يخص عيد ميلادها الذي أُقيم منذ أيام، موضحة أن من ظهر معها ليس خطيبها.
شيماء سعيد ترد على جدل عيد ميلادها
حيث قالت شيماء سعيد موضحة: "اللي ظهر معايا ده صاحب أخويا وأنا اللي مربياه، أما خطيبي فهو ليبي ورافض يظهر على السوشيال ميديا".
شيماء سعيد توضح تفاصيل دخولها في قصة حب
في سياق متصل، قد خرجت الميك أب ارتيست شيماء سعيد أرملة المطرب الراحل إسماعيل الليثي عن صمتها لتكشف حقيقة خطوبتها ودخولها في علاقة عاطفية بعد ما لا يقل عن عام، وذلك من خلال مقطع فيديو عبر منصة تيك توك.
حيث قالت شيماء سعيد: “الموضوع خد أكبر من حجمه، أنا مقولتش اتجوزت ولا عملت خطوبة وأنا مش مضطرة أبرر لحد أنا بكلم متابعيني اللي بحبهم مش بكلم الشعب، أنا بطمن متابعيني اتخطبت لشخص تبع أبويا وأخويا أنا مشوفتوش وكان بيحبني من أربع سنين أنا مبحبش حد، أنا لسه معملتش خطوبة رسمي وكانت خطوبة على الضيق، مش أنتوا اللي هتعرفوني أزعل ازاي على جوزي، ركزوا في حياتكم”.
شيماء سعيد تعلن خطوبتها
وقد كشفت الميك أب أرتيست شيماء سعيد أرملة المطرب الراحل إسماعيل الليثي عن خطوبتها، بعد ما لا يقل عن عام من وفاة زوجها، وذلك من خلال بث مباشر عبر حسابها الرسمي على موقع التيك توك.
حيث قالت شيماء سعيد في الفيديو: "أنا مش هكدب عليكم واقولكم أني مش هتجوز، لما فكرت أتجوز هتجوز أب لعيالي يكون كويس وبيخاف عليا أخويا بيقول مش هينفع أني اتجوز قبل سنة سنتين احتراما للميت أنا مش هعرف أعيش في بيت من غير راجل.. حقي أعيش حياة مستقرة".
