هدى الإتربي : خسيت 10 كيلو علشان مهرجان الجونة والناس مهما عملتي مش هترضيهم
كشفت الفنانة هدى الإتربي كواليس خسارتها للوزن خلال الفترة الماضية، مؤكدة أن مهرجان الجونة السينمائي كان من أسباب هذا القرار.
وقالت هدى الإتربي في لقائها مع برنامج ET بالعربي : "أنا خاسة 10 كيلو ومهرجان الجونة سبب أساسي إني خسيت، وكنت عيانة وباخد أدوية هي اللي تخنتني بس أنا طول عمري وزني قليل جدًا".
أما عن إطلالتها في مهرجان الجونة، تابعت : "معايا تيم بيراجع كل إطلالاتي علشان تبقى مظبوطة على جسمي وشكلي وحسب المناسبة اللي أنا فيها، وكده كده الناس مهما عملتي مش هترضيهم فخليهم يقولوا اللي يقولوه".
وكانت قد حصلت هدى الإتربي على جائزة أفضل ممثلة دور ثاني في حفل توزيع الجوائز The Best، وكشفت خلال لقائها مع كاميرا موقع "نيوز رووم" على هامش الحفل عن رأيها في الحب وتفاصيل مشاركتها مع أحمد العوضي في مسلسل سلطان الديب، المقرر عرضه في موسم دراما رمضان 2027.
وقالت الإتربي : "أشكر كل مسؤولي حفل The Best والنجوم الذين تعاونت معهم في رمضان الماضي على النجاح الذي حققته".
وعن العمل مع أحمد العوضي، تابعت هدى الإتربي : "سلطان الديب ثالث تعاون لي مع أحمد العوضي، وهتشوفوا مسلسل حلو ومعمول بعناية شديدة".
وواصلت هدى : "بقدم في المسلسل دور بثينة حبيبة سلطان، وفيه صراع بين العيلتين مفاجأة في الأحداث".
أما عن الحب، اختتمت هدى الإتربي : "الرومانسية بقت نادرة في حياتنا، فهنقدمها إزاي في الأفلام والمسلسلات".
