«الكلمة مسؤولية كبيرة».. إسراء مصطفى: وأنا واقفة أمام الرئيس السيسي في منتدى مصر كنت مرعوبة
كشفت صانعة المحتوى إسراء مصطفى عن تفاصيل حضورها حفل ختام منتدى مصر 2026، وإلقاء كلمة أمام الرئيس السيسي: «وأنا واقفة أمام الرئيس السيسي في منتدى مصر كنت مرعوبة من كلامي مثلا إني أقول كلمة بشكل عفوي وتحسب عليا لأن الكلمة مسؤولية كبيرة.. وكمان أنا كنت بمثل الجنوب والدولة اللي اختارتني أمثلها».
وأضافت، خلال حوارها في برنامج «الستات ميعرفوش يكدبوا» المذاع عبر شاشة سي بي سي: «أنا فرحت جدا بكل حاجة وبكل ردود أفعال الناس وجالي تليفونات من الاقصر واسوان وحلايب وشلاتين والجنوب كلهم فرحانين إني قدرت وفرحت جدا واللي حصل معايا هبة من الله عز وجل».
وأردفت: «أنا حضرت الافتتاح واتمنيت من ربنا اقول كلمة عن الهوية المصرية وسبحان الله كلموني وقالولي إني احتمال اقول كلمة أمام الرئيس وربنا استجاب دعائي.. وكلمتي كنت محضراها وكنت مهتمة جدا إنها تعبر عننا في الجنوب، لأننا لسا عايشين بهويتنا ومش بنغيرها واهتميت إني اسوق للجنوب ولتنمية ثرواتها والفت نظر المستثمرين ليها».
