طارق العريان عن إخراجه كليب لولا البنات : عمرو دياب زود مشاهد الفلاحين ولجين خليفة عندها حضور
كشف المخرج طارق العريان كواليس إخراجه كليب لولا البنات للهضبة عمرو دياب، والذي حقق نجاحاً كبيرًا خلال الصيف الماضي.
وقال طارق العريان في لقائه مع برنامج ET بالعربي : "عمرو دياب ذكي وبيبص لقدام، وكنت بنفكر في 4 أغاني تتصور كليب قبل لولا البنات، بس عمرو كان شايف نوع الأغنية دي هو المناسب علشان تبقى كليب".
وتابع العريان : "وفكرة الفلاحين عمرو كان شايفها مهمة وأنا كنت عايز أحطها في البداية وأقول إنه من هنا الفكرة طلعت وبس، لكن عمرو كان شايف إننا نزود ظهور الفلاحين أكتر".
وعن لجين خليفة، أكمل طارق : "إحنا معملناش أوديشن علشان نختار البنات، ولكن كنا بنعمل بروفات علشان يحفظوا كلمات الأغنية، وعمرو قالي خلينا نحط حتة ليهم في الكليب بصوتهم، ولجين في أول بروفة نورت فا قولنا لها تعالي قدام، وهي عندها حضور فظيع".
أغنية لولا البنات جاءت ضمن ألبوم عمرو دياب الأخير حبيتك، الذي دخل من خلاله منافسات موسم الصيف الموسيقي 2026، وحقق نجاحاً كبيرًا في منافسته مع باقي الألبومات المطروحة في نفس الفترة.
واتسمت أجواء فيديو كليب لولا البنات بالتنوع ما بين الفلاحي والكلاس، وسط رقصات واستعراضات مبهرة، مصحوبة بغناء مميز من عمرو دياب، وخطفت الأضواء الفنانة الشابة لجين خليفة وتصدرت التريند بعد ساعات قليلة على طرح الكليب.
أغنية لولا البنات، من كلمات مصطفى البرنس، ألحان عمرو دياب، توزيع أحمد إبراهيم، وأخرج الفيديو كليب طارق العريان.
