حمدين صباحي: بعد كامب ديفيد حصل قطيعة بين السلطة في مصر وبعض السلطات العربية
قال حمدين صباحي البرلماني السابق: «بعد كامب ديفيد حصل قطيعة بين السلطة في مصر والسلطات العربية.. والدول اللي كانت بتشكل محور الرفض زي ليبيا والعراق بيتعمدوا يجمعوا كل المعارضين ويوفرولهم فرص عمل واستقرار خارج مصر»، لافتا إلى أنه رفض تمام الخروج من مصر أو معارضة مصر من الخارج.
وأضاف، خلال تصريحات تلفزيونية مع مجدي الجلاد:«في فترة في حياتي كنت بشتغل في شركة بقبض 600 جنيه في السبعينات لكني كنت سلس في الفلوس وعايش في جمعية دايرة مع صحابي القريبين اللي معاه يدي اللي معهوش.. وبعدين دلخت السجن وخرجت اشتغلت مراسل لجريدة بـ 1000 دولار وقتها كان بـ 70 قرش، حاليا الدولار بـ أكتر من 50 جنيه علشان نعرف مدى الظلم اللي اتعرض له المواطن»
وفي سياق أخر، قال حمدين صباحي، البرلماني السابق: «المعارضة تخسرك أكل عيشك، وأنا اتمنعت من العمل لما واجهت الرئيس السادات في انتفاضة الخبز.. وكتبوا عليا إني اتحرم من حاجات من حقي ومنعوني أتعين معيد واشتغل في الأهرام والأمن منعني من العمل في اتحاد الإذاعة والتلفزيون بالرغم من إني كنت الأول في الاختبارات».
