جوري بكر: "ربنا أكرمني والتكريمات مش مقياس لنجاحي كفنانة"
خرجت الفنانة جوري بكر عن صمتها، لتكشف عن رأيها في التكريمات مؤخرًا خاصة أنها لم تظهر في أي مهرجان خلال الفترة الماضية ولم تحصل على أي تكريم، وقد حسمت الجدل من خلال منشور عبر حسابها الرسمي على موقع تبادل الصور والفيديوهات إنستجرام.
تعليق جوري بكر على التكريمات
وعلقت جوري بكر قائلة: “عشان نحسم الموضوع ده نهائيا ، أنا ربنا كرمني وأكرمني، وبالنسبالي التكريمات مش مقياس لنجاحي ولا لقيمتي كفنانة. كل حاجة بتيجي في وقتها الصح، ولما ربنا يريد، حرفيا زهقت من سؤال: «ليه يا جوري مش بنشوفك في التكريمات ؟».. طيب ما تسألوا المسؤولين عن التكريمات، وهل فعلا التكريمات دي بتتم على أساس الاستحقاق والنجاح والمجهود، ولا بقت فيها مجاملات وواسطات؟، أنا بالنسبالي التكريم الحقيقي إني أجتهد وأتعب وأقدم أعمال ناجحة أكون فخورة بيها، وأشتغل مع مخرجين ومنتجين محترمين، وأكون عندي نقابة محترمة بتقدرني كفنانة، وجمهور حقيقي بيحبني وبيحترم شغلي، أنا بقيس نجاحي بمجهودي، وبالأعمال اللي بقدمها، وباحترام الناس ليا، مش بعدد التكريمات اللي بحصل عليها، وفي النهاية، أنا مؤمنة إن كل حاجة ليها وقتها، وإن ربنا مش بيضيع تعب حد. وأنا الحمد لله راضية عن مشواري، وواثقة إن اللي جاي بإذن الله هيكون أحسن، لأن اللي يهمني فعلا إني أسيب أثر حقيقي -بشغلي مش مجرد صورة على منصة تكريم”.
إصابة جوري بكر في عينيها
في سياق آخر، قد كشفت الفنانة جوري بكر عن تفاصيل إصابة عينيها بعدوى، بعد أن طلبت من الجمهور الدعاء لها مؤخرًا، وذلك من خلال منشور عبر حسابها الرسمي على موقع تبادل الصور والفيديوهات إنستجرام.
وعلقت جوري بكر قائلة: "لحين التواصل مع الشركة أحب اقولكم أن ده منتج مصري، استخدمته تحت عينيا وهو اللي طلع لي دمل واللّه اعلم هيروح ولا هنضطر نفتحه، يا المنتج غير صالح يا أنتم شركة فاشلة وحسبي اللّٰه ونعم الوكيل بس لو ليا حق أكيد هاخده طبعا زيي زيكم اشتريته من كتر المدح الكاذب فيه".
