أروى جودة: "واخدة قرار مع زوجي أننا مش هنخلف" |فيديو
تحدثت الفنانة أروى جودة عن قرارها هي وزوجها بعدم الإنجاب، خاصة بعد استئصالها أورامًا من الرحم منذ 7 أشهر.
أروى جودة وزوجها يتاخذا قرارًا بعدم الإنجاب
حيث قالت أروى جودة في لقاءها مع الإعلامية هبة حيدري: “إحنا واخدين قرار إننا مش هنجيب أولاد، زوجي قالي أنه عنده 50 سنة وعقبال ما نجيب ولد ويبقى عنده 10 سنين هو هيبقى عنده 60 سنة، ده ظلم للولد لأن ممكن ميبقاش عندنا طاقة أو نسيبه ونمشي بدري.. ولو ربنا رزقنا بـ ده مش هنمانع.”
استئصال أروى جودة لأورامًا من الرحم
أما عن استئصالها أورامًا من الرحم، أضافت أروى جودة: حاولت أعمل تجميد بويضات ولما رحت أكشف الدكتور قالي إني عندي أورام حميدة في الرحم، وعملت العملية من 7 شهور، والدكتور قالي أنا شيلت أورام بحجم إني حامل في 7 شهور ونص، وبسبب ده حصلي مشاكل في شغلي كعارضة أزياء وحسيت أن مشواري كله أتحول لمقاس وجرحتني.
وأردفت: مكنش هدفي إني ألبس الفستان الأبيض، كان هدفي ألاقي رفيق درب ويعرف يتعامل مع عيوبي مش يذلني بيها، ولكن المجتمع بتاعنا مشكلته إنه بيضغط عليكي بعد ما تعدي سن معينة، وبيديكي أفكار منها إن أتجوزي أي حد وجيبي منه طفل وبعدين أتطلقي، فكان أهم بالنسبة ليا إني ألاقي حد أكمل حياتي معاه من إني أجيب طفل وبعدين أدورله على أب تاني، وأنا بشوف إن الست تربي أطفال لوحدها وتشتغل دي بطولة عظيمة.
