بعد تصريحاته الأخيرة.. مدحت العدل: "أنا حجيت ومراتي محجبة وحرية المرأة مكفولة"
أثار السيناريست مدحت العدل جدلًا واسعًا بعد حديثه عن الإسلام وعن رؤية المرأة في وجهة نظر الإسلام، على هامش فعاليات مهرجان الجونة السينمائي، وقد خرج ليوضح وجهة نظره من خلال لقاء تليفزيوني.
مدحت العدل يرد على الجدل حول تصريحاته عن الإسلام
حيث قال مدحت العدل: “أنا الإسلام اللي أعرفه هو الإسلام المتنور الليبرلي اللي كانت المرأة تطب فيه في الجرحة والرسول عليه الصلاة والسلام يستشير السيدة عائشة هو ده الإسلام اللي أنا أعرفه، لكن الإسلام بتاع المرأة تخرج مرتين في حياتها مرة للقبر ومرة البيت جوزها ومرة للقبر ده أنا معرفوش، ده رأي بتاع واحد محكوم بأفكار رجعية ظلامية ملاش أي علاقة بالدين من وجهة نظر فأنا كنت منفعل لأنهم ما بيتكلموا ليه المرأة غير ممثلة في السينمات فأنا قلت لهم هو أصلاً مفيش أفلام أساساً للرجال عشان يبقى في أفلام للستات فأحنا في ظل هذه الأزمة بنسأل على حاجة فرعية وسايبين الحاجة الرئيسية ليه أزمة السينما نفسها فأنا كنت منفعل حباً في هذا الوطن وحباً للسينما وحباً لبناتي وحباً للبنات اللي واقفين بيصورونا هم دول المجتمع يا جماعة إذا كنتوا عايزين تكبتوا دول يبقى أنتوا مجتمع عمره ما هيتقدم خطوة للأمام”.
مدحت العدل: “الموضوع مش دين”
واستكمل مدحت العدل حديثه قائلًا: “بس دي كانت وجهة نظري لكن أصلاً فيه الناس بتاخد الموضوع الدين ولا أنا ضد الدين ولا أنا مش عايز أزايد وأقول إن أنا حجيت ومراتي محجبة مش عايز أزايد وأقول هذا الكلام بس أنا بتكلم على حرية المرأة اللي هي مكفولة في الإسلام يعني نفهم بس الإسلام صح الأول وعديني بتديني الكلام يعني أكثر بتحسب المرأة أكثر ما بتحسب الرجل بغض النظر عن الفن أو جرأة الفن يعني البنت اللي خطيبها دبحها في جامعة المنصورة الناس كلها كانت ضد البنت كأنما هي المخطئة يعني مجتمع غريب جداً جداً تراجع تماماً يعني بدل ما تتعاطف مع الضحية بتتعاطف مع العقبة والجلاد وده بقى سمة غريبة أنتوا مستنيين إيه تاني مستنيين إيه أكثر منه واحد دبح واحدة على باب جامعة”.
