سارة درزاوي: "يعني مشكلة الصناعة في الأجور مش في الورق والرقابة؟"
أثارت الفنانة سارة درزاوي الجدل حول أزمة صناعة الدراما، التي أثيرت مؤخرًا، مؤكدة أن الأزمة ليس فقط في أجور ومطالب الفنانين، وذلك من خلال منشور عبر حسابه الرسمي على موقع التواصل الإجتماعي فيسبوك.
سارة درزاوي تعلق على أزمة صناعة الدراما
وقالت سارة درزاوي معلقة: “يعني هي الأزمة طلعت في الأجور و البريك و طلبات الممثلين ؟! مش مشكلة ورق ولا اخراج ولا تعامل سخيف ولا تدخل ناس في اختصاصات مش بتاعتهم ولا مشاكل من الانتاج ولا رقابة ولا استسهال ولا تكرار ولا تسويق ولا عدم تطوير ولا كاستينج غلط ولا بداية تصوير متأخر ولا عدم تحضير الشغل كويس ولا وجود بروفات ترابيزة وشغل اكتر من ٢٠ ساعة ؟!!!!، لا والله ده كلنا فاسدون لا أستثني أحد .”
سارة درزاوي تهاجم مستضيفي مجنونة العوضي
في سياق آخر، قد خرجت الفنانة سارة درزاوي عن صمتها لتعلق على واقعة مجنونة العوضي واستضافتها في كافة البرامج الحوارية، وذلك من خلال منشور عبر حسابها الرسمي على موقع تبادل الصور والفيديوهات إنستجرام.
وقالت سارة درزاوي معلقة: "من زمان وفي مصطلح اسمه مهووس أو مجنون الفنانين، و ده بيكون شخص حياته كلها بتتمحور حوالين حبه لفنانة او فنان، زي شخصية "سمير سبوت " اللي عملها فتحي عبدالوهاب في فيلم “بحبك وانا كمان ”، بس سبوت ده كان مهووس متطرف اوي، المهم إن الشخص ده في أي مكان لما بيكون مترصد لفنان و كلامه مش موزون المفروض بيتبلغ عنه و يتعمله زي محضر عدم تعرض، مش بتتم استضافته في برامج و صفحات على الانترنت تكلمه و تتم مناقشته في هوسه ده ، ده شخص محتاج مساعدة نفسية، و قد يكون خطر على نفسه أو على غيره، لكن إن فيه "مذيع أو مذيعة" أيا كان في أي قناة يستضيفه و يحاوره في هوسه ده ويخليه يسترسل في الكلام عنه فده حقيقي مش عارفة يتوصف بإيه !!"
