هاني عادل: الزعيم ممثل عظيم.. وجاكي شان كان بيعدلي هدومي

كشف الفنان هاني عادل، عن كواليس تعامله مع الزعيم عادل إمام، قائلا: لما مثلت مع عادل إمام  كنت متوتر وفجأة لقيت المساعد بتاعه بيفتح الباب بيقولي الفنان جاي وطلع يجري وأنا اتخضيت ولقيته فعلا قعد معايا في أوضتي واتكلم معايا»، وذلك خلال حواره مع محمد طاهر، في برنامج «المحتوى رقم 7».

كما تطرقت للحديث عن كواليس عمله مع جاكي شان، قائلا: «لما اشتغلت مع جاكي شان كان شخص لطيف جدا وكان بيجي يعدلي هدومي قبل المشاهد وبجد دي بالنسبة ليا حاجة في الخيال».

وفي سياق متصل، خرج المطرب هاني عادل عن صمته ليطلب من رقابة المصنفات الانتباه جيدًا إلي ما يُقدم في الأعمال الأجنبية خاصة الكوميدية، لما تحتوي عليه من إيفيهات غير لائقة، ولم ينوهوا عن ذلك بحظر سن معين، وذلك من خلال منشور عبر حسابه الرسمي على موقع التواصل الإجتماعي فيسبوك.

طلب هاني عادل من رقابة المصنفات

وعلق هاني عادل قائلًا: "أرجو من الرقابة علي المصنفات يخلوا بالهم من الافيهات اللي بتتقال في المسلسلات والأفلام بالانجليزي أو بلغة تانية وطبعا معظمها في أفلام ومسلسلات كوميدي أنا مع حرية التعبير قلبا وقالبا، لكن الأفلام الكوميدي بالذات أطفال كتير بيدخلوها او بيتفرجوا عليها في البيت والسينمات ومفيش عليها تصنيفات عمرية ورجاء من الزملاء الافاضل يبقي مخلي باله برضه لان فيه افيهات بجد مش ذكية وملهاش أي سياق بتتقال في المطلق وبينسي أن الفيلم مش معمول عليه حظر لسن معين".