دي أحلى مني.. أول تعليق من نرمين الفقي عن ظهور شبيهتها
علقت الفنانة نرمين الفقي عن ظهور شبيهتها المحجبة وتصدرها تريند محركات البحث جوجل، موضحة أنها لم تسمع عن ذلك الأمر من قبل.
أول تعليق من نرمين الفقي عن ظهور شبيهتها
حيث قالت نرمين الفقي في تصريحات إعلامية: "أنا مسمعتش خالص عن الموضوع ده، دي أحلى مني بس يارب تكون بتعمل كده عشان بتحبني مش التريند، ومستحيل أفكر أني أقاضيها بالعكس أنا بنبسط لما الناس بتقولي أنتي فيكي مننا".
نرمين الفقي لن تقبل أن تكون زوجة ثانية
في سياق آخر، قد حلت الفنانة نرمين الفقي، ضيفة في برنامج كلمة أخيرة، الذي يقدمه الإعلامي أحمد سالم، المُذاع عبر شاشة قناة ON، حيث كشفت نرمين الفقي أنها لا تقبل أن تكون زوجة ثانية على الإطلاق، قائلة: "لو متجوزة أرفض أن يتزوج زوجي عليا، وعشان كدا كنت برفض أي عريس متجوز، كنت بقول إني مش هخرب بيت واحدة ومش هحط نفسي في الموقف ده فالبالتي مش هقبل ده على نفسي".
وأوضحت نرمين الفقي، عن سبب عدم زواجها حتى الآن قائلة: "قسمة ونصيب وفي حاجات كتير في الحياة ممكن الواحد يقع فيها، ممكن يجلي راجل مرتبط أو متجوز وبرفض تمامًا لأني مش خرابة بيوت وممكن البيت نفسه يكون فيه مشاكل لكن أنا عقلي الباطن هيخليني أحس إن فيه ست ممكن تتوجع أو تتألم بسببي، وممكن راجل يتقدم لي وهو منفصل وأنا معرفش إنه منفصل، فممكن أبعد عنه وأنا معرفش أنه منفصل".
مواصفات فتى أحلام نرمين الفقي
وأضافت نرمين الفقي، عن مواصفات الشخص الذي تتمناه، قائلة: "أنا محتاجة راجل بمعنى الكلمة يعني أخلع رداء الرجولة اللي أنا بحاول أظهره قدام الناس ولا أكون سوى امرأة، مش راجل غير حقيقي مش هو اللي اعتمد عليه، لأن الشخص لما يقعد فترة كبيرة من غير جواز بيكون معتمد على نفسه في حاجات كتير".
وأكملت نرمين الفقي، قائلة: "مش معنى كده إني عاوزة راجل ما حصلش مفيش حاجة اسمها كده، ولأني مش ست ماحصلتش، لكن راجل بمعنى الكلمة يتحمل المسؤولية فالموضوع مش سهل".
