مدحت تيخا يشن هجوما على صناع الدراما .."بتجيبوا بتوع السوشيال ميديا يطلعوا مسلسلاتكم السما بالكذب"
أعرب الفنان مدحت تيخا عن استيائه الشديد من صناع الدراما بسبب قلة فرص العمل المتاحة أمام الفنانين الموهوبين، مشيرا إلى أن الصناع يفرضون ذوقهم على الجمهور من خلال الأعمال التي تُقدم حاليًا ، كما أشار إلى أن نجاح المهنة سيكون من خلال الموهوبين فقط .
مدحت تيخا يشن هجوما على صناع الدراما .."بتجيبوا بتوع السوشيال ميديا يطلعوا مسلسلاتكم السما بالكذب"
وكتب مدحت تيخا عبر حسابه الشخصي على موقع التواصل الاجتماعي فيس بوك : بعد سيزون واحد من غير شغل بتشتكوا، أومال اللي بيقعدوا بالسنين مايشتغلوش يعملوا إيه؟ وموهوبين والناس بتعشقهم .
وأضاف: اللي حاصل ده جرس إنذار من ربنا عشان تفوقوا، بس أنا متأكد إن محدش هيفوق ، كل الصناع عارفين السبب بس محدش يجرؤ يقول أو يلمح حتى، ورضيتم بالظلم وعملتوا مسلسلات وحشة أوي بناس مبتعرفش تمثل ولا تخرج ولا تصور ولا تألف وكل ده عشان السبوبة تمشي، وتجيبوا بتوع سوشيال ميديا يطلعوا مسلسلاتكم السما بالكذب طبعا علشان تصدقوا كذبتكم وتفرضوا ذوقكم على الجمهور، والجمهور في وادي وانتوا في وادي أصلًا.
واختتم مدحت تيخا حديثه قائلا : محدش هينجح الشغلانة دي غير ولادها الموهوبين في كل المجالات، واللي هما معروفين وقاعدين في بيوتهم دلوقتي بسببكم، ولكن ربنا كريم وعادل وقادر، وبإذن الله هتتعدل، بس ساعتها هتكونوا قاعدين في بيوتكم بتتمنوا تشتغلوا ولو حتى إعلان لمحلات الرز بلبن.
وفي سياق آخر ، كان أعلن الفنان مدحت تيخا، عن انتهاء أزمته مع المنتج عوض ماهر، وذلك بعد تدخل الدكتور أشرف زكي، نقيب المهن التمثيلية.
وشارك مدحت تيخا عبر حسابه الشخصي على فيسبوك، صورته مع أشرف زكي وعوض ماهر، وعلق : “بحمد الله وفضله ثم فضل الأب والضهر والسند بعد ربنا سبحانه وتعالى، نقيبنا وأستاذي ودكتوري دكتور أشرف زكي".
وتابع تيخا : "تم الصلح بيني وبين المنتج عوض ماهر، وتم دفع المبلغ المتبقي داخل النقابة بفضل الله ثم الدكتور أشرف زكي، ربنا يحفظه ويخليه لينا جميعًا، والحمد لله رب العالمين".
