بشرى تعلن غيابها عن مهرجان الجونة بدورته التاسعة : إجازة السنة دي
أعلن الفنانة بشرى غيابها عن فعاليات الدورة التاسعة من مهرجان الجونة السينمائي، والمقرر انطلاقها غدًا الخميس، وتستمر حتى يوم 23 أكتوبر الجاري.
وشاركت بشرى عبر حسابها الرسمي على إنستجرام، عددًا من الصور، وكتبت : "الناس بتوصل الجونة وأنا ماشية من الجونة، ده الجديد منه بقى، السنة دي إجازة من المهرجان، حبة هدوء على حبة روقان".
وسبق وكشفت بشرى أسباب اعتذارها عام 2022، عن استكمال رحلتها في مهرجان الجونة السينمائي، بعد 7 سنوات من العمل المستمر، حيث كانت تتولى منصب رئيس العمليات بالمهرجان.
وقالت بشرى في تصريحات تلفزيونية سابقة : “قررت انسحب لما لقيت الموضوع مبقاش شبهي في حاجة، ولقيت الموضوع بدأ يقلب بيزنس والمود العام مبقاش شبهي، وده كان قرار في صعوبة مشهد من فيلم لا من تسألني أنا وهي بتسيب بنتها عند مديحة يسري”.
وواصلت : "أنا ست واضحة مع نفسي ومش بعرف أشتغل في مكان مش مبسوطة فيه ومش مرتاحة فيه، وبدأت أحس إنهم بدأوا يستكرتوا عليا نجاحي، مش أشخاص بعينهم، ولكن شركات وبني آدمين وناس كتير وبعض الزملاء مش كلهم، لأنهم كانوا متخيلين إني السبب وراء عدم دعوتهم للمهرجان، وأنا لو مكانهم هفكر نفس التفكير وده مش حقيقة".
