بعد الإعلان عن تكريمه بمهرجان القاهرة.. كريم سرور عن سعيد شيمي: اضافة للمهرجان
احتفى الفنان كريم سرور بتكريم مدير التصوير سعيد شيمي في فعاليات مهرجان القاهرة السينمائي، وذلك من خلال منشور مطول عبر حسابه الرسمي على موقع التواصل الإجتماعي فيسبوك.
كريم سرور يحتفي بتكريم سعيد شيمي
وعلق كريم سرور قائلًا: “ده خبر مهم جداً وعظيم جداً ، تكريم الأستاذ سعيد الشيمى فى مهرجان القاهرة اضافة للمهرجان نفسه ، الأستاذ سعيد الشيمى واحد من أهم مديرين التصوير فى تاريخ السينما المصرية ويكفى إنه أول من قدم المخرج محمد خان كمخرج مبتدئ فى فيلم ضربة شمس وكان مؤمن بيه جداً ، غير طبعاً إنه أول مدير تصوير مصرى تحت الماء ، والهاوسينج اللى اتحطت فيه الكاميرا كان بمقاييسه ومواصفاته هو واتصنع على هذا الأساس، وطبعاً تاريخه حافل بأهم الأفلام المصرية زى الشيطان يعظ وسواق الأتوبيس والعار والحريف والبريئ والحب فوق هضبة الهرم وسلام يا صاحبى وإعدام ميت ، وعلى فكرة هو مصور مشاهد الحروب فى معظم أفلام نصر اكتوبر ، وحزيرة الشيطان وكل الأفلام المصرية اللى اتصورت تحت المياه وصيته كان مسمع بره مصر كمان كأفضل مدير تصوير تحت المياه ، عدد اعماله تجاوزت ال١٠٠ فيلم بشوية، حقيقى اتبسطت جداً اول ما شوفت الخبر”.
أزمة كريم سرور الصحية
في سياق آخر، قد كشف الفنان كريم سرور عن تعرضه إلي وعكة صحية، مؤكدًا أنه يريد "البرد العادي"، وذلك من خلال منشور عبر حسابه الرسمي على موقع التواصل الإجتماعي فيسبوك.
وعلق كريم سرور قائلًا: "صداع ووجع صدر وضيق تنفس وحرقان فى الزور ومش عارف ابلع وكحة من اللى هى من الأعماق دى، واضح ان الكواليتى العالية بتاعة امريكا موجودة فى كل حاجة ، بس معلش انا عايز البرد بتاعنا العادى اللى بيروح بكوباية لمون مغلى ده وقرصين بنادول".
