فيدرا: "الفن بكل أشكاله هو المتنفس الحقيقي ليا كإنسانة"
حرصت الفنانة فيدرا على توجيه رسالة شكر لصناعة الفن، وذلك من خلال منشور عبر حسابها الرسمي على موقع التواصل الإجتماعي فيسبوك، مؤكدة أن الفن هو المتنفس الحقيقي لها.
فيدرا توجه رسالة لصناعة الفن
حيث قالت فيدرا معلقة: “الفن بكل أشكاله هو المتنفس الحقيقي ليا كإنسانة في العالم اللي إحنا عايشين فيه، إنك تكون محاط بفنانين حقيقيين، كل واحد بيحط جزء من روحه في اللي بيعمله، التمثيل تحديدًا فيه سحر خاص. إنك تدخل مساحتك، تبني شخصية، تلبسها، تتكلم بطريقتها وتتحرك بجسمها، وتخرج من حياتك علشان تدخل حياة حد تاني. الفن هنا مش بس شغل، لكنه مساحة للتعبير والشفاء، وتبص حواليك في اللوكيشن، تلاقي كل واحد بيخلق الحكاية، بداية من الكتابة، مرورًا بالإضاءة والديكور والإخراج والإنتاج، لحد كل شخص بيحط مجهوده وتفاصيله علشان يخلق حاجة من العدم، وفي الأيام دي، وسط كل الناس دي، بحس إن الحياة حلوة، دي تحية لصناعتنا، لكل اللي بيكتبوا ويمثلوا ويخلقوا، وللفن نفسه، اللي بيدينا مساحة نعيش ونعبّر ونلاقي نفسنا، مهما كان العالم برّه عامل إزاي.”
نداء عاجل من فيدرا
في سياق آخر، قد توجهت الفنانة فيدرا بنداء عاجل لكافة أغنياء مصر، بسبب ملاجئ الحيوانات، وذلك من خلال مقطع فيديو عبر حسابها الرسمي على موقع تبادل الصور والفيديوهات إنستجرام.
حيث قالت فيدرا معلقة: “نداء لأغنياء مصر، لو أنت معاك فلوس وطيب وبتحب الحيوانات اتبرع بيها للشلاتر، ناس كتير بتلجأ للشلاتر علشان تساعدهم ولكن الشلاتر محتاجة اللي يساعدها لأنها قايمة على التبرعات، ومش شرط تعلن أنك اتبرعت للكلاب لأن في ناس سخيفة هتعلق تعليقات سلبية”.
فيدرا تهاجم أحد الأشخاص بسبب مقتل قطة
وقد خرجت الفنانة فيدرا عن صمتها لتهاجم أحد الأشخاص المتابعين لها، ووصفته بلا إنسانية بسبب تصويره لهجوم كلاب على قطة وقتلها، وذلك من خلال مقطع فيديو لديها عبر حسابها الرسمي على موقع التواصل الإجتماعي فيسبوك.
وعلقت فيدرا قائلة: “لو حد كاتب بوست مش عاجبني مبردش، في واحد عندي دايمًا بيكتب بوستات مستفزة بالنسبالي كمحبة للحيوانات، نزل فيديو لكلاب بتهجم على قطة وبتقتلها، بس دي طبيعة الحال بينهم، هو بقى واقف بيصور وكاتب أنا كنت عايز أنقذها بس الكلب الأبيض اللي ورا منعني، زقك يعني ولا عملك ايه، ده أنت لو رميت طوبة على كلاب في المدينة بيجروا، سيبتهاغ تموت وكنت واقف تصور شئ طبيعي بيحصل في العالم كله، أنت أهم حاجة عندك أنك تثبت للعالم بصوا الكلاب الوحشة، أنت فين يا جميل يااللي مش شراني، ده غير الأذى النفسي اللي أثرت بيه على الناس بسبب الفيديو ده، ما هي ماتت خلاص، اللي فارق معايا بجد هو: إزاي إنسان يقف يتفرج على روح بتتقتل، ويقول “حاولت وما قدرتش”، وهو في نفس الوقت واقف بيصور بكل هدوء؟، الأهم عنده إنه يثبت وجهة نظره، حتى لو الثمن كان روح بتتقتل قدامه، فيه فرق كبير بين إنك توثق حدث، وإنك تختار تبقى متفرج على المأساة، انت مش صح، انت مؤذي لينا كلنا.”
