التهديدات أزعجتني ومعايا أدلة جنائية.. كواليس أزمة صفاء مغربي مع زوجها |خاص
خرجت الفنانة صفاء مغربي عن صمتها لتكشف عن كواليس مطاردة زوجها الثاني لها بعد انفصالهما وتوجيه له عدة أحكام جنائية، وذلك من خلال تصريحات خاصة لموقع نيوز رووم.
كواليس أزمة صفاء مغربي مع زوجها
حيث قالت صفاء مغربي في تصريحاتها: "عليه أحكام جنائية بسبب ٣ تهم اعتداء و١ مخالفة شروط الكفالة وده من ٨ شهور، وحاليا مضايقات عشان أخرج من البيت، ده زوجي الثاني وأبو بنتي وفي أحكام طلاق، ومش بقول اسمه لأن في محاكم وبوليس من شهر فبراير دلوقتي هو بياخد مخالفات، وأخته دلوقتي بتضايقني أنا وابني الكبير".
صفاء مغربي: تعبت من التهديدات
وأكدت صفاء مغربي أنها تواجه كل هذه الأزمات بمفردها في كندا، حيث قالت: "أنا في كندا معايا ولادي بس وأبو ولادي يوسف بعيد عننا زي ساعتين، وزوجي أبو بنتي هنا في نفس المدينة، مافيش حد بيدعمني، وفي المضايقات دي وأنا أصلا مش مستحملة الواحد عنده قلق مرضي وخوف وبيزيد بسبب الحاجات دي أنا تعبانة وواخدة مهدأ، ربنا يسامحهم أذوني كتير، كل شوية ابلغ البوليس ومعايا أدلة جنائية من المستشفى والبوليس ومش عارفة امتى هخلص من القرف ده وتهديدات أكتر حاجة أزعجتني، أنا كنت ساكتة تماما من شهر فبراير ومش عايزة اتكلم، أنا بخاف من الموت وعمري ما أفكر في الانتحار عشان أتخلص من المشاكل دي، في قصص كتير حواليا أزواجهم بيقتلوهم وده مهددني من ٢٠٢٤ ومعايا أطفالي هل أنا أبقى ضحية كده زيهم، لازم دول يتجابوا ويتحسبوا، أنا تعبت".
صلة زوجها بيوسف شرف الدين
ونفت صفاء مغربي صلة هذا الرجل بيوسف شرف الدين موضحة: "هو مش يوسف شرف الدين هو لبناني وده كمان لبناني يمكن خلطوا الأمر، بس يوسف شرف الدين محترم جدًا معايا ودعمني واشتغلت معاه كتير جدًا وكان بيدعمني أدرس".
