مروة صبري تكشف عن تلقيها عروضًا عقارية بملايين: "أنتم جايين للشخص الغلط"
كشفت الإعلامية مروة صبري، مقدمة برنامج "قعدة ستات" عن تلقيها مكالمات من شركات عقارية لعرض وحدات سكنية عليها بمبالغ مالية كبيرة موضحة عدم حاجتها إلى هذه العروض في الوقت الحالي.
وقالت مروة صبري في ڤيديو عبر حسابها على مواقع التواصل الاجتماعي: "بصحى من النوم بلاقي شركة من شركات العقارات بتكلمني وبتعرض عليا يونتس بملايين".
وأضافت بطريقة لطيفة: " أنا معنديش مشكلة إنكم تكلموني بس والله ما في مني فايدة، أنا لما جيت أدور في جيوبي ملقتش غير إن دي العملة الوحيدة اللي في حياتي دولار واحد، وتقريبًا ماما كانت غسالة في الغسالة كمان".
وتابعت: "أنا بحترمكم جدًا ومش بتضايق من مكالمتكم خالص، بس وفروا وقتكم لأنكم ناس محترمين وبتأدوا وظيفتكم".
واختتمت حديثها قائلة: "أنتم جايين للشخص الغلط.. الصيت ولا الغنى".
في سياق آخر، كانت خرجت الإعلامية مروة صبري عن صمتها، لتوضح أنها لن تفكر في خطوة التمثيل، وتتوعد بعمل حظر لكل من يسئ لها، وذلك من خلال مقطع فيديو عبر حسابها الرسمي على موقع تبادل الصور والفيديوهات إنستجرام.
مروة صبري تتوعد بعمل حظر لكل من يسئ لها
حيث قالت مروة صبري معلقة: “على رأي محمد رمضان في جو قديم وبلدي بيتعمل معايا، أنا بتقبل كل وجهات النظر ضدي معايا بتحبي مبتحبنيش، احطك على رأسي من فوق واحترمك واسمع رأيك واحطه في الأعتبارإنما اللي هيخش عندي يقل أدبه يشتم يتكلم بطريقة غير لائقة أنا هعمله بلوك مش هقولكم هرد عليه لأن الواحد لما يلاقي حد مستواه متدني مقدرش أنزل لمستواه، ولكن الحاجة الوحيدة اللي هعملها على قد تربيتي هي البلوك”.
حقيقة اتجاه مروة صبري إلي التمثيل
وردت الإعلامية مروة صبري على الأنباء المتداولة عن تفكيرها في دخول مجال التمثيل، حيث قالت: "الحاجة الأهم بقى لا أنا بمثل ولا عايزة أمثل ولا في المستقبل بفكر أني أمثل ليه بقول كده عشان الناس كلها بتقولي أنتي واخدة صف مين على حساب مين وبتدفعي عن مين ضد مين أنا بحب كل الناس وأنا واحدة من الجمهوركل اللي يهمني أشوف عمل فني لطيف، فأنا مش بقول حاجة لحد على حساب حد عشان أنا مصاحبة حد، أن أكتر واحدة معروف عنها أنها دبش بتقول اللي جواها، أنا حقانية وبقول الحق من غير كلام كتير".
