أسرة الطباخ البورسعيدي ضحية حادث السفينة التركية تناشد المسؤولين بعودة جثمانه
اعربت هبة هشام نجلة الطاهي هشام محمد عبد الخالق ، الذي لقي مصرعه على سفينة تركية خلال وجودها في البحر الاسود اثر تعرضها لحادث اثناء توجهها لاوكرانيا ، عن استيائها وغضبها الشديد لعدم وصول جثمان والدها ودفنه حتي الان منذ وقوع الحادث في شهر يونيه الماضي .
وقالت ابنة الطاهي ضحية حادث السفينة التركية التي كان يعمل عليها :" أنا بكتب البوست ده وأنا في منتهى الغضب والاستياء من اللي إحنا بنعيشه بقالنا شهور.
واضافت قائلة :" والدي هشام محمد عبد الخالق، كان شغال شيف على السفينة M/V Victress، وتوفى يوم 22 يونيو 2026 في الحادث اللي حصل في البحر الأسود أثناء توجه السفينة لأوكرانيا.
واوضحت :" من يوم الحادث وإحنا في معاناة مستمرة، والأصعب إن جثمان والدي بقاله أكتر من 3 شهور ونص في تركيا لحد النهارده، ولسه ما رجعش مصر".
واشارت الى ان والدها كان من أفراد طاقم السفينة، وبعد الحادث ظلت أسرته تنتظر عودته، لكن بدلا من ان يكونوا في محاولة لتجاوز صدمة فقدانه، ما زالو الى الان يحاولون معرفة متى سيعود الجثمان لوطنه ويتم دفنه .
واكدت قائلة :" اللي يوجع أكتر إن الوقت بيعدي، وإحنا كل يوم بنسأل ونتابع ونحاول نوصل لأي حد يساعدنا، لكن مفيش حل واضح لحد الآن ، أبويا بقاله أكتر من 3 شهور ونص بعيد عن بلده وأهله، وإحنا لحد دلوقتي مش عارفين إمتى هنقدر نرجعه مصر وندفنه.
واختتمت نجلة الطباخ الضحية :" أناشد كل مسؤول يقدر يساعدنا إن حد يتدخل وينهي الموضوع ده ، إحنا مش طالبين غير حق بسيط جدًا ، عايزين أبويا يرجع مصر، عايزين ندفنه ونودعه ،عايزين نرتاح.
