حمزة نمرة يكشف كواليس فترة اختفائه: «بدور على أقكار جديدة»
كشف الفنان حمزة نمرة كواليس الفترات التي يبتعد فيها عن الظهور وتقديم أعمال جديدة، موضحا أن ابتعاده يرتبط برغبته في البحث عن أفكار جديدة يشعر بأنه يريد التعبير عنها.
وقال حمزة نمرة في تصريحات لـ «جوسيبس»، إن فترة الاختفاء بالنسبة له تكون مرتبطة بالبحث عن أفكار جديدة، موضحا: «فترة الاختفاء إن أنا بقعد أدور على أفكار جديدة وأحس عايز أقول حاجة أنا جوايا».
وأضاف واصفا حالته خلال هذه الفترة: «بتبقى عامل زي السفنجة كده، اللي هو بتمتص الحاجات اللي حواليك والأفكار اللي حواليك والقصص اللي حواليك».
وأشار إلى أنه يقضي هذه الفترة في العمل والتجريب مع عدد من المتخصصين في صناعة الموسيقى، قائلا: «وبقعد مع ناس مؤلفين وملحنين موسيقيين، ونقعد نجرب ونكتب».
وأوضح أن صناعة الأغاني تحتاج إلى وقت طويل، وليس من الضروري أن ينتهي كل ما يعمل عليه إلى أغنية يشعر بأنها مناسبة للطرح، قائلا: «فالحاجات دي بتاخد وقت طويل جدا، مش شرط تطلع حاجة حلوة أو حاجة أحس إنها تطلع للناس».
ولفت إلى أنه لاحظ تطورا في سرعة إنتاجه خلال الفترة الأخيرة، قائلا: «بس الحمد لله أنا اتطورت، يعني اتحسنت، أنا كنت زمان بقعد سنتين يمكن تلاتة، دلوقتي في سنة من السنين نزلت ألبومين، فدي حاجة كويسة».
