أسرة بلال جعفر تستقبل عزاءه اليوم في شبرا الخيمة
تستعد أسرة عازف الأورج بلال جعفر اليوم لاستقبال عزاءه بعد أن رحل عن عالمنا مساء الأربعاء الماضي، بعد صراع مع المرض.
موعد عزاء بلال جعفر
ومن المقرر أن يُقام عزاء بلال جعفر اليوم الجمعة عقب صلاة العصر، بدار مناسبات الإسكان الصناعي، بجوار كوبري أحمد عرابي وأمام بنزايون في شبرا الخيمة .
وفي سياق متصل ، كان حرص المطرب سعد الصغير، على نعي صديقه عازف الأورج بلال جعفر، الذي رحل عن عالمنا منذ قليل، بعد صراع مع المرض.
وكشف سعد الصغير عن تواجده معه منذ أيام قليلة، من أجل دعمه في أزمته الصحية، مشيرًا إلى علاقته القوية به وصداقتهما الطويلة، وكتب : "البقاء لله أخويا المحترم عازف الأورج بلال إلى رحمة الله، ده اللي كنت بقول لإخواتي الفنانين، وكل حد من العازفين يشوفوا الراجل كان محتاج ناس كلها جنبه، بس دلوقتي بقى عند ربنا، ومفيش أحسن منه، ياريت الناس تبقى على العشرة، واللي كان مابينكم في يوم من الأيام".
وواصل سعد : "أهو الراجل راح وكان عايز الكل يبقى معاه، ربنا يرحمك يا بلال، ربنا يرحمك يا حبيبي بلال، كنت لسه معاه من كام يوم، وكان فرحان جدًا إن أنا كنت معاه وأنا مبسوط إن كنت معاك يا بلال".
واختتم سعد الصغير : "وأول لما كلمتني أنا مقدرش أتأخر عنك صاحب صاحبك في كل شئ، مش في المصلحة، وعلشان كده مش هطول عليكم، بس ياريت نعرف إنها مش دايمة، واللي معاك النهارده بكره مش موجود، ربنا يدمها علينا جميعًا بالصحة والبركة والخير كله".
