أحمد سعد عن تقديم دويتو مع شيرين : مفيش مشاريع بيننا وأي حد يتشرف يغني معاها

كشف الفنان أحمد سعد موقفه من تقديم دويتو غنائي مع الفنانة شيرين عبدالوهاب خلال الفترة المقبلة، حيث أكد على علاقة صداقتهما القوية، رغم عدم تعاونهما الفني من قبل.

وقال أحمد سعد في لقائه مع برنامج ET بالعربي : "أي حد يتشرف يغني مع فنانة كبيرة وصوت عظيم زي شيرين، ولكن مفيش مشاريع ثابتة بيننا، لأننا لما بنقابل بعض بننسى إننا مغنيين، ودي أحسن حاجة ومخلية علاقتنا بقالها سنين".

وأضاف سعد : "أول مرة جيت لبنان كنت مع شيرين كانت بتفسحني، وماكنتش لسه مشهور وقتها، وإحنا أيامنا مع بعض كلها صحاب ومفيهاش فن، ولكن أي حد يتشرف يشتغل مع شيرين".

ومن ناحية أخرى، كان قد خرج أحمد سعد في أول تعليق له، منذ ساعات قليلة، بعد تداول أنباء طلاقه بشكل رسمي، وذلك من خلال منشور عبر حسابه الرسمي على إنستجرام.

وكتب سعد : "علياء حبيبتي وأم عيالي وهتفضل علاقتي بيها لحد لما أموت، وبعد اما أموت هتكون معايا في الجنة إن شاء الله، ياريت السادة الصحفيين لو تكرمتم محدش يتكلم في موضوعتنا العائليه تاني، وأنا هعمل لكم تريندات كتير والله بس سيبو عائلتي في حالها".