أول تعليق من عمرو دياب بعد دخوله موسوعة جينيس للأرقام القياسية
تحدث الهضبة عمرو دياب عن فضل الجمهور عليه في مشواره الفني بعد تحقيقه لإنجاز كبير وهو تصدره 69 أسبوع على قمة بيلبورد عربية ، مما أدى إلى دخوله موسوعة جينيس للأرقام القياسية .
وقال عمرو دياب في لقائه مع بيلبورد عربية : أي جايزة باخدها انتوا اللي بتجيبوهالي وأنا معنديش حاجة غيركم ويارب أكون عند حسن ظنكم زي ما احنا متعودين ، أنا بجتهد وبشتغل
وبحب شغلي أوي وبهتم بجمهوري وتفاصيله وكل فترة بيتغير الجمهور وهنا لازم أتغير معاه ده اللي بعرف أعمله .
وأضاف : ولما بقابل الجمهور بعرف هما تقبلوا اللي عملته ولا لأ وبالنسبالي هو ده الإنجاز ، أنا مبفكرش في إنجازات، أنا بفكر أسعد الجمهور وأعمل اللي نفسي فيه .
وكان حقق الفنان عمرو دياب لقب جديد عبر موسوعة جينيس للأرقام القياسية كأول فنان عربي يتصدر قائمة بيلبورد عربية 100 فنان لمدة 69 أسبوعا على التوالي.
وأعلنت جينيس للأرقام القياسية تسجيل إنجاز جديد باسم الفنان عمرو دياب، بعد تحقيقه الرقم القياسي الأكبر لاحتلاله عدد من الأسابيع في المركز الأول على قائمة بيلبورد عربية لأفضل 100 فنان (Billboard Arabia Artist 100)، حيث تصدر القائمة لمدة 69 أسبوعًا.
