هنيجي نقبض عليك.. أب مصري يخوف ابنه بسبب قعدته على الموبايل

في موقف طريف بين أب وابنه، قرر أب مصري يتدخل بعدما لاحظ إن ابنه بيمسك الموبايل وبيفضل يلعب عليه لساعات طويلة على مدار اليوم.

الأب قرر يستخدم طريقة مختلفة عشان يخلي ابنه يقلل من استخدام التليفون، فاتصل بيه وكأنه شخص من قسم الشرطة، وقال له إن فيه بلاغ اتقدم ضده بسبب قعدته الكتير على الموبايل واللعب لفترات طويلة.

وقال له خلال المكالمة إنه هيتم القبض عليه بسبب البلاغ، الأمر اللي خلى الابن يخاف جدًا ويبدأ يبكي، وفضل يعتذر ويأكد إنه مش هيكرر الموضوع.

الموقف تحول لمشهد مؤثر وطريف في نفس الوقت، بعدما نجح الأب في تخويف ابنه ودفعه للتفكير في تقليل الوقت اللي بيقضيه على الموبايل والألعاب.

وتفاعل رواد مواقع التواصل مع الموقف، خاصة مع رد فعل الابن وبراءته في التعامل مع المكالمة، بينما رأى البعض أن استخدام الموبايل لفترات طويلة يحتاج إلى تنظيم ومتابعة من الأسرة، مع توعية الصغار بأهمية الموازنة بين اللعب والمذاكرة والأنشطة الأخرى.

https://x.com/zamaleksun/status/2103476283405386133