سالي عبد السلام تفاجئ جمهورها: «شلت كل الفيلر.. وأحلى حاجة اللي خلقنا عليه ربن

كشفت الإعلامية سالي عبد السلام، في فيديو نشرته عبر حسابها على فيسبوك، أنها قررت إزالة الفيلر بالكامل من وجهها، مؤكدة أنها لم تشعر بأنه مناسب لها.

وقالت سالي في رسالتها: «صباح الفل  أنا عندي اعتراف   أنا شيلته كله، لأنه فعلاً مش حلو، ودي نصيحة لكل واحدة.. أحلى حاجة اللي خلقنا عليه ربنا».

وأوضحت أنها رغم إزالة الفيلر، لا تمانع في اللجوء إلى البوتكس، مشيرة إلى أنها ستستخدمه في الأجزاء التي تظهر بها تجاعيد، في إطار اهتمامها بمظهرها والحفاظ على نضارة بشرتها.

وتفاعل متابعوها مع حديثها، خاصة بعدما شاركت تجربتها الشخصية وقدمت نصيحتها للفتيات بضرورة تقبل ملامحهن الطبيعية.

وفي وقت سابق خرجت الإعلامية سالي عبدالسلام عن صمتها لتكشف طريقة نصب جديدة تعرضت لها مؤخرًا، وذلك من خلال مقطع فيديو عبر حسابها الرسمي على موقع التواصل الإجتماعي فيسبوك.

سالي عبدالسلام تكشف عن طريقة نصب جديدة

حيث قالت سالي عبدالسلام معلقة: “في رقم كلمني أمبارح بيقولي معرفش واحد اسمه محمد السيد أحمد سايب رقمك ورقمه موقوف وعليه مديونية، قالي هو سايب الرقم عشان نرجعلم وتدفعي المديونية، قولتله هو مين بقى يقربلي ايه، طب حضرتك مين قالي أنا إسلام فتحي من الشئون القانونية لشركة اتصالات شهيرة، خلوا بالكم لأنه لما اتقفش ولقى الحوار كبير وقولتله أديني رقم البني أدم اللي حاطط رقمي هرب وقفل السكة وبكلمه مش بيرد، كان مستني أقوله ندفع المديونية أو يهددني برفع قضية”.

كما كشفت الإعلامية سالي عبدالسلام عن السبب وراء خسارة وزنها في فترة قصيرة بعد ولادتها لابنها هارون، وذلك من خلال منشور عبر حسابها الرسمي على موقع تبادل الصور والفيديوهات إنستجرام.

حيث قالت سالي عبدالسلام في منشورها: “اللهم بارك، الناس بتقولى ازاى خسيتى ورجعتى تانى فى وقت قصير كدة؟، اكيد هقول ومش هخبى زى غيرى ويمكن ده دورى انى اقول الحقيقة بس اول اجابة عندى هى من كتر التنمر والتريقة و خفة الدم اللى حصلت فيا وانا حامل ده كان اكبر حافز عشان مكملش فى الاكتئاب بجد!، لا انا عارفة ان كان شكلى صعب اوى، بس مكنتش عايزاهم يضايقونى اوى كدة، واهم انجاز انى رضعت طبيعى وهارون مدخلش حضانة الحمدلله، و كملت لفترة واللى ساعدنى الفيتامينات مع ان اتقالى مش هترضعى طبيعى وربنا كرمنى و عملت كل اللى عليا ربنا يعلم، وفى نفس الوقت اول ما وقف ادرار اللبن كان لازم اظبط نفسى واهم حاجة نفسيتى وكنت بعيط كل يوم، مش هقولكم المياة و الرياضة زى ناس، انا اخدت مونجارو ‪تحت أشراف  أطباء باطنة، و أنا روحت عيادة، وعلى فكرة لازم نظام غذائى ونوقف السكر والنشويات عشان نخس ومنتعبش ويحصل مضاعفات، ولو وقفنا فجأة نتخن لازم تتبطل بنظام، يا رب محدش يعدى بكل اللى انا عديت بيه، و لو هقيد واحدة بس كانت فى ظروفى انا هبقى مبسوطة، ومن فضلكم ادعولى كتير